Bibiriya irasubiza - Recent questions and answers in Ibibazo byerekeye Yesu

Answered: Yesu yari atunze iki? Ese yari umukene cyangwa umukire?

Tue, 13 May 2025 18:25:18 +0000

Mbere yo gusubiza iki kibazo tubanze tuvuge ko mu nkingi za mwamba z'ibyo twizera (doctrine) twizera ko Yesu ari Imana. Nk'Imana, Yesu atunze byose: Byose ni ibye: Ubutware bwose, Ubushobozi bwose, Ubwami bwose, icyubahiro cyose, ubutunzi bwose.... Ibyo tubona byose ni we wabiremye kandi ni we byaremewe, byose ni ibye kandi Bibiliya ibihamya idaca ku ruhande: (Yesaya 9:6 ; )

Reka tutarajya kure tuvuge ibi byanditswe: Abakolosayi 1:14-19 "Ni we waducunguje amaraso ye ngo tubone kubabarirwa ibyaha byacu. 15 Ni na we shusho y'Imana itaboneka, ni we mfura mu byaremwe byose, 16 kuko muri we ari mo byose byaremewe, ari ibyo mu ijuru cyangwa ibyo mu isi, ibiboneka n'ibitaboneka, intebe z'ubwami n'ubwami bwose, n'ubutware bwose n'ubushobozi bwose. Ni we wabiremye byose kandi rero ni na we byaremewe. 17 Yabanjirije byose kandi byose bibeshwaho na we. 18 Ni we Mutwe w'umubiri, ni we Torero kandi ni we Tangiriro, ni imfura yo kuzuka mu bapfuye kugira ngo abe uwa mbere uhebuje byose, 19 kuko Imana yashimye ko kūzura kwayo kose kuba muri we."

Abakolosayi 2:9-10 "Nyamara muri we ni ho hari kūzura k'Ubumana kose mu buryo bw'umubiri. 10 Kandi mwuzuriye muri we, ari we Mutwe w'ubutware bwose n'ubushobozi bwose."

N'ubwo bimeze bityo ariko, kugirango Yesu aze kudukiza, byamusabye kwiyambura ibyo byose, aza mu isi yigira umuntu, abana n'abantu, yicisha bugufi cyane avukira mu muvure w'inka, akura ari umubaji, agendana n'abantu, yigira nk'umugaragu ku buryo umurebye mu maso asanzwe y'umubiri nta kidasanzwe cyari kumutandukanya n'abantu basanzwe. Ibyo rwose Bibiliya irabivuga neza idaciye ku ruhande:

- 2 Abakorinto 8:9 "kuko muzi ubuntu bw'Umwami wacu Yesu Kristo uko yari umutunzi, maze agahinduka umukene ku bwanyu kugira ngo ubukene bwe bubatungishe."

- Abafilipi 2:5-11 "Mugire wa mutima wari muri Kristo Yesu. 6Uwo nubwo yabanje kugira akamero k'Imana, ntiyatekereje yuko guhwana n'Imana ari ikintu cyo kugundirwa, 7ahubwo yisiga ubusa ajyana akamero k'umugaragu w'imbata, agira ishusho y'umuntu, kandi amaze kuboneka afite ishusho y'umuntu 8yicisha bugufi, araganduka ntiyanga no gupfa ndetse urupfu rwo ku musaraba. 9Ni cyo cyatumye Imana imushyira hejuru cyane ikamuha izina risumba ayandi mazina yose, 10 kugira ngo amavi yose apfukame mu izina rya Yesu, ari ay'ibyo mu ijuru, cyangwa ay'ibyo mu isi, cyangwa ay'ibyo munsi y'isi, 11kandi indimi zose zihamye ko Yesu Kristo ari Uwiteka, ngo Imana Data wa twese ihimbazwe."

ESE YESU YARI UMUKENE? CYANGWA UMUKIRE?

Kuva Bibiliya ivuga ko yari umukene, nta mpamvu n'imwe twabona yo kuvuga ko atari umukene. Dusubiremo uyu murongo: 2 Abakorinto 8:9 "kuko muzi ubuntu bw'Umwami wacu Yesu Kristo uko yari umutunzi, maze agahinduka umukene ku bwanyu kugira ngo ubukene bwe bubatungishe."

Ubusanzwe dukunze kubivuga ko Bibiliya itandikiwe kutumara amatsiko kuri buri kabazo kabaho, ahubwo yandikiwe kutugaragariza umugambi w'urukundo n'agakiza Imana ifitiye muntu. Kubera izo mpamvu, hari ibintu byinshi Bibiliya itagiye iduhamo amakuru kuko bitaba bihuye n'impamvu Bibibiliya yanditswe. Yohana we avuga ko byose bigiye kwandikwa, isi yose yakuzura ibitabo. (Yohana 21:25).

Hari ibimenyetso bigera kuri 7 bigaragaza ubuzima bwa gikene Yesu yabagamo:

1) Yavukiye mu muvure w'inka. Luka 2:7 "abyara umuhungu w'imfura amworosa imyenda y'impinja, amuryamisha mu muvure w'inka kuko bari babuze umwanya mu icumbi."

2) Amaze kuva iwabo kwa Yosefu no gutangira umurimo, Ntiyagiraga aho aba: Matayo 8:20 "Yesu aramubwira ati “Ingunzu zifite imyobo n'ibiguruka mu kirere bifite ibyari, ariko Umwana w'umuntu ntafite aho kurambika umusaya.”

3) Ubwo yaturwaga Imana mu rusengero, ababyeyi be batanze ituro ryari ryarategekewe guturwa n'abakene: Intungura ebyiri cyangwa ibyana by'inuma bibiri. Luka 2:24 24 "batamba n'igitambo nk'uko byavuzwe mu mategeko y'Umwami ngo “Intungura ebyiri cyangwa ibyana by'inuma bibiri.”

Abalewi 2:8 “Kandi niba ari umukene ntabashe kubona umwana w'intama, azazane intungura ebyiri cyangwa ibyana by'inuma bibiri, kimwe cy'igitambo cyo koswa, ikindi cyo gutambirwa ibyaha, umutambyi amuhongerere abe ahumanutse.”

4) Amaze kuva iwabo kwa Yosefu no gutangira umurimo, nta nzu, nta mutungo utimukanwa, ntiyagiraga n'aho aba: Matayo 8:20 "Yesu aramubwira ati “Ingunzu zifite imyobo n'ibiguruka mu kirere bifite ibyari, ariko Umwana w'umuntu ntafite aho kurambika umusaya.”

5) Muri rusange, Yesu yararaga ku musozi wa Elayono asenga. Luka 21:37 "Iminsi yose yirirwaga mu rusengero yigisha, ariko bwakwira agasohoka akarara ku musozi witwa Elayono."

6) Kugirango babeho, Yesu n'abigishwa be barafashwaga: Luka 8:1 "Hanyuma ajya mu midugudu n'ibirorero yigisha, avuga ubutumwa bwiza bw'ubwami bw'Imana ari kumwe n'abigishwa be cumi na babiri, 2 n'abagore bamwe bakijijwe abadayimoni n'indwara, barimo Mariya witwaga Magadalena wirukanywemo abadayimoni barindwi, 3 na Yowana muka Kuza igisonga cya Herode, na Suzana n'abandi bagore benshi babafashishaga ibyabo."

7) Mu gihe cya Yesu, umuntu wese mukuru wishoboye, yitunganyirizaga imva azashyingurwamo we n'umuryango we. Ubu bushobozi Yesu ntabwo yari afite ku buryo yashyinguwe mu mva yatanzwe n'umukire witwaga Yosefu. Matayo 27:57-60 "Nuko nimugoroba haza umuntu w'umutunzi wo muri Arimataya witwaga Yosefu, kandi na we yari umwigishwa wa Yesu. 58 Uwo ajya kwa Pilato asaba intumbi ya Yesu, maze Pilato ategeka ko bayimuha. 59 Yosefu ajyana intumbi, ayizingira mu mwenda w'igitare wera, 60 ayishyira mu mva ye nshya, iyo yakorogoshoye mu rutare, abirindurira igitare ku munwa w'imva, aragenda."

N'ubwo bimeze bityo, ntabwo Yesu yari umukene kubera kubura uko agira, yari umukene kuko yabihisemo.

Mu gusoza, tuvuge ko Yesu atadusaba kuba abakene ku mubiri nk'uko bamwe bakunze kubyibeshyaho, gusa anadusaba kwitondera ibyo gushaka no kurarikira ubutunzi bw'iyi si, cyane cyane akatubuza gukunda amafaranga, Bibiliya ibivuga muri aya magambo: 1 Timoteyo 6:8-10 "Ariko ubwo dufite ibyo kurya n'imyambaro biduhagije tunyurwe na byo, [9] kuko abifuza kuba abatunzi bagwa mu moshya no mu mutego, no mu irari ryinshi ry'ubupfu ryangiza, rikaroha abantu mu bibahenebereza bikabarimbuza. [10] Kuko gukunda impiya ari umuzi w'ibibi byose, hariho abantu bamwe bazirarikiye barayoba, bava mu byo kwizera bihandisha imibabaro myinshi."

Abanyabwenge bifuza guhuza ibi bintu bibiri, ntibicwe n'ubukene ariko kandi ntibanatwarwe n'urukundo rw'amafaranga, bakwigana Dawidi bagasenga batya: Imigani 30:7-9 “Nagusabye ibintu bibiri, ntubinyime umwanya nkiriho. [8] Nkuraho ibitagira umumaro n'ibinyoma bimbe kure, Ntumpe ubukene cyangwa ubukire, Ahubwo ungaburire ibyokurya binkwiriye, [9] Kugira ngo ndahaga nkaguhakana nti ‘Uwiteka ni iki?’ Cyangwa nkaba umukene nkiba, nkagayisha izina ry'Imana yanjye."

Murakoze cyane, duhore tuzirikana iki: "IMANA NTIDUHA IBYO DUSHAKA, IDUHA IBYO DUKENEYE."

Answered: Ese Yesu yigeze anywa ku gisindisha?

Tue, 13 May 2025 17:46:44 +0000

Iki kibazo kirasa n'ikindi kigira kiti "Ese Yesu yahinduya amazi inzoga i Kana?" Wakanda hano ukareba igisubizo.

Answered: i Kana, Yesu yahinduye amazi inzoga, cyangwa umutobe?

Sun, 04 May 2025 09:33:55 +0000

Iki kibazo cyagiye gikurura impaka guhera cyera kugeza n'ubu ntikirumvikanwaho. Ntituri bwihandagaze ngo tuvuge ko tugiye guca impaka, ariko turahamya ko tugiye gutanga igisubizo gishingiye ku Ijambo ry'Imana no ku mahame Yayo.

Izi mpaka zishingiye ku gitangaza cya mbere Yesu yakoze: Yatashye ubukwe i Kana, agezeyo asanga vino yabashiranye, afata amazi ayahindura vino bayiha abatashye ubukwe baranywa. Ibyo bivugwa muri Yohana 2:1-11

Hari ibibibazo 2 byo kwibazwa:

1) Ese koko Yesu yahinduye amazi vino?: IGISUBIZO KITAJIJINGANYWAHO NI YEGO

2) Ese iyi vino yari isembuye? Yari irimo Alcohol ku buryo yasindisha? IGISUBIZO NTIKIVUGWAHO RUMWE, ariko tugiye kugisuzuma dukoresheje ibyanditswe byera. Turagisubiza mu ngingo esheshatu:

1) Guhamya ko Yesu yakoze inzoga ayikuye mu mazi i Kana, byaba bisobanuye ko nta cyaha kirimo kwenga ibisindisha no kubinywa, kandi ibi byaba bihabanye n'ibindi byanditswe dusanga mu Ijambo ry'Imana.

2) Iyo ufashe ingano y'amazi Yesu yahinduyemo vino, usanga iyi vino iramutse yari inzoga, Yesu ntiyaba yarakemuye ikibazo cy'icyo kunywa gusa, ahubwo yaba yarashishikarije abantu ubusinzi bwo ku rwego rwo hejuru! Ibi byaba bihabanye cyane n'abavuga ngo "kunywa gacye nta kibazo", ngo ikibi ni ugusinda: Mu by'ukuri, Yohana 2:6-7 hagira hati: "Hariho intango esheshatu zaremwe mu mabuye, zashyiriweho kwiyeza nk’uko umugenzo w’Abayuda wari uri, intango yose irimo incuro ebyiri cyangwa eshatu z’amazi. [7]Yesu arababwira ati “Mwuzuze intango amazi.” Barazuzuza bageza ku ngara."

Abasesenguzi benshi bahamya ko izi ntango esheshatu zashoboraga kujyamo amacupa y'amazi arenga 1,200. Reka tubishyire mu makaziye tumenyereye tuzi kugirango byumvikane neza: Amacupa 1,200 = Amakaziye 100! Ibaze rero Yesu ahaye abantu amakaziye 100 y'ibisindisha! Ntabwo byaba bikiri mu rwego rwo kunezererwa ubukwe, byaba byinjiye mu businzi!

3) Bibiliya itubwira ko Yesu yagiye guhindura amazi divayi, n'ubundi abo yari yasanze muri ubu bukwe bari bamaze guhaga, (Yohana 2:10) ku buryo banyweye vino yari ihari irabashirana. Kubera ko Bibiliya ivuga ko Yesu yabahaye vino iryoshye kurusha iyo yasanze barimo kunywa, Yesu aramutse yarabahaye vino isembuye, byaba bisobanuye ko n'iyo yasanze banywa yari isembuye. Kuba baranyweye vino yari ihari bagahaga, ntibyumvikana ukuntu Yesu yabongeza andi makaziye 100 kugirango bahage (basinde?) kurushaho! Ibi rwose Yesu ntiyabikora, kuko byaba bihabanye n'ibyo Bibiliya ivuga iti: Habakuki 2:15 “Azagusha ishyano uha umuturanyi we ibyokunywa, nawe umwongeraho ubumara bwawe bukamusindisha, kugira ngo urebe ubwambure bwe!"

4) Mu byanditswe byera, Iyo Bibiliya ivuze "vino" ishobora kuvuga vino isembuye cyangwa vino idasembuye. Yesaya 65:8 "Uwiteka aravuga ati “Nk’uko iseri ry’inzabibu rivamo umutobe bakavuga bati ‘Ntuwurimbure kuko ugifite umumaro’, ni ko nzagirira abagaragu banjye ne kubarimbura bose."

None se ko vino ituruka mu mizabibu, ubu ntimubona ko hano Bibiliya yita vino "umutobe"? Dore noneho ibyo Yesu yivugiye: Matayo 9:17 "Kandi nta wusuka vino y’umutobe mu mifuka y’impu ishaje, uwagira atyo iyo mifuka yaturika, vino igasandara hasi imifuka ikononekara. Ahubwo vino y’umutobe isukwa mu mifuka mishya, byombi bikarama.” Uko bigaragara mu Ijambo ry'Imana, Vino ishobora kuba "umutobe" cyangwa igisindisha, ibi rwose nta mpaka bikwiriye gutera kuko birasobanutse.

5) Icya 5, ukurikije Bibiliya, iki gitangaza Yesu yagikoze mbere gato ya Pasika y'Abayuda (Yohana 2:13). Pasika yari umunsi wubahwa cyane, aho Abayuda bakuru bagombaga kumanuka bakajya i Yerusalemu kwizihiza uyu munsi mukuru wabaga rimwe mu mwaka. Na Yesu ubwe, uyu munsi mukuru yawujyagamo buri mwaka, mu myaka 3 yamaze mu murimo yagiyeyo inshuro 3 kuwizihiza.

Uyu munsi mukuru warubahwaga cyane, ukaba wararebaga abantu bose cyane cyane Abalewi bakoraga imirimo y'ubutambyi mu rusengero. Abalewi ubwabo (Abatambyi) bari barabujijwe mu buryo butajijinganywaho kunywa ibisindisha igihe bagikora uyu murimo.

Abatambyi babuzwa kunywa ibisindisha, bagikora umurimo: Abalewi 10:8-11 "Uwiteka abwira Aroni ati: " [9]“Ntukanywe vino cyangwa igisindisha kindi wowe n’abana bawe muri kumwe, uko muzajya kwinjira mu ihema ry’ibonaniro mudapfa. Iryo ribabere itegeko ridakuka mu bihe byanyu byose, [10]mubone uko mutandukanya ibyera n’ibitari ibyera, n’ibihumanya n’ibidahumanya, [11]mukigisha Abisirayeli amategeko yose Uwiteka yabwiriye Abisirayeli mu kanwa ka Mose.”

None se ubu muri ubu bukwe umuntu yahamya ko nta mutambyi wari urimo? None se Yesu yababuza kunywa ibisindisha, yarangiza akabibaha? Byongeye kandi, akabibaha mu minsi yegereje Pasika aho basabwaga kwiyeza no kwitandukanya n'icyabahumanya cyose? Ntabwo byaba byumvikana Yesu aramutse abikoze.

6) Icya 6 ari na cyo cya nyuma:

==> Ntabwo byakumvikana ukuntu Yesu yagaburira cyangwa yanywesha abantu ikintu Bibiliya ivuga ko ari umukobanyi, ikavuga ko gikubaganisha, ikanavuga ko ushukwa na cyo atagira ubwenge! Imigani 20:21 "Vino ni umukobanyi, Inzoga zirakubaganisha, Kandi ushukwa na byo ntagira ubwenge.

==> Nta bwo byumvikana ukuntu Yesu yahindura amazi inzoga isembuye, mu gihe Ijambo rye rivuga ko azabona ishyano umuntu wese ugira imbaraga zo guturira ibisindisha. Yesaya 5:22 "Bazabona ishyano abigira intwari zo kunywa inzoga, bakagira imbaraga zo guturira ibisindisha"

==> Nta n'ubwo byumvikana ukuntu Yesu yahindura amazi inzoga, mu gihe Ijambo rye rivuga ko bazabona ishyano abazindurwa no kuvumba ibisindisha! Yesaya 5:11 "Bazabona ishyano abazindurwa no kuvumba ibisindisha, bakaba ari cyo biririrwa bakabirara inkera, kugeza aho bibahindura nk’abasazi."

==> Byaba bitangaje cyane, Yesu avuze ati "mwirinde ibisindisha" yarangiza agatanga amakaziye arenga 100 y'ibisindisha! 1 Abatesalonike 5:6 "Nuko rero twe gusinzira nk’abandi ahubwo tube maso, twirinde ibisindisha"

==> Yewe, Bibiliya ivuga idaca ku ruhande ko "umuntu ugendana ururimi rubeshya ni we uhanura ibya vino.... Mika 2:11 “Umuntu ugendana umwuka w’umuyaga n’ururimi rubeshya akavuga ati ‘Ngiye kubahanurira ibya vino n’ibisindisha’, ni we muhanuzi ukwiriye ubu bwoko."

UMWANZURO:

Dushingiye ku byanditswe byera twerekanye ndetse no ku bundi bushakashatsi twavuze, turahamya tudashidikanya ko, Yego Yesu yahinduye amazi vino i Kana, ariko iyi vino ntabwo yari igisindisha kuko na za vino zidasembuye zibaho nk'uko twabibonye muri Bibiliya. Gutekereza ko Yesu yahaye abantu ibisindisha byaba bitandukanye cyane n'inyigisho ze, ndetse byaba ari ubwa mbere naba mbonye Yesu avuga ikintu agahindukira agakora igihabanye n'Ijambo rye!

Murakoze, Mwuka Wera akomeze atube hafi, atwigishe kandi adusobanurire

Answered: Iminsi 3 hagati yo gupfa no kuzuka, Yesu yari ari he?

Thu, 01 May 2025 23:12:04 +0000

Ku isaha ya cyenda, Yesu yavuze ijambo rye rya nyuma ku musaraba ati "Birarangiye", acurika umutwe, aratanga (Yohana 19:30). Nyuma yaho gato, umubiri we wamanuwe ku musaraba, ujyanwa mu mva, ariko Umwuka we ntiwagiye mu mva, wari ahandi hantu: Nyuma y'iminsi 3, Umwuka we warongeye wihuza n'umubiri we, azuka mu bapfuye.

Abantu benshi bagiye basobanura ukwinshi aho Yesu yari ari muri iyi minsi itatu hagati yo gupfa kwe no kuzuka kwe, ariko ibyiza ni ugushyira ku ruhande amarangamutima, tukareba mu byanditswe byera kuko harimo igisubizo kiruta ibindi.

Icya mbere kitagibwaho impaka, ni uko Yesu ubwe yivugiye aho aza kuba ari nyuma y'urupfu rwe: Muri Paradizo. Ibi yabivuze atya abwira igisambo bari babambanywe: Luka 23:42-43 "Nuko abwira Yesu ati “Mwami, uzanyibuke ubwo uzazira mu bwami bwawe.” [43]Aramusubiza ati “Ndakubwira ukuri, yuko uyu munsi turi bubane muri Paradiso.”

Uko ni ko byagenze nta gushidikanya: Yesu amaze gutanga, yagiye muri paradizo, aho kandi ni naho cya gisambo cyamwizereye ku musaraba cyahise kijya na cyo kimaze gupfira ku musaraba.

Hari ikindi cyanditswe cyaba kigaragaza icyo Yesu yakoze hagati yo gupfa kwe no kuzuka: Abefeso 4:8 "Ni cyo gituma ivuga iti “Amaze kuzamuka mu ijuru, Ajyana iminyago myinshi, Aha abantu impano.” Iki cyanditswe kirushaho gusobanuka iyo turebye mu zindi ndimi no mu zindi version kuko na byo bijya bifasha mu kurushaho gusobanuka:

- "When he ascended on high, he took many captives".

- Version ya ESV yo ivuga utya uyu murongo: "When he ascended on high he led a host of captives, and he gave gifts to men."

- Vesion ya "New Living translation yo ivuga itya: "When he ascended to the heights, he led a crowd of captives and gave gifts to his people.”

- Indi version yitwa "Holman Christian Standard Bible igira iti: "When He ascended on high, He took prisoners into captivity; He gave gifts to people.

- Mu gifaransa, Louis Second agira ati: "Étant monté en haut, il a emmené des captifs, Et il a fait des dons aux hommes."

==> Ubusanzwe, hari ahantu abapfaga mbere ya Yesu babaga bari hitwaga mu giheburayo "Sheol", cyangwa mu Kigereki "Hades", (the abode of the dead / Sejour des morts). (Sheol na Hades ni kimwe ni uko rimwe ari ijambo ry'igiheburayo irindi rikaba iry'ikigereki). Kuhasobanura biragoye, ariko si ahantu hafatika, ahubwo uwapfaga yarekeragaho kubaho gusa. Aha ni ho abera bo mu isezerano rya cyera babaga bari ( Nka ba Aburahamu, ba Daniel, ba Dawidi, ba Yosuwa n'abandi benshi....). Aba bafatwaga nk'imbohe kuko ntibari bari aho bakagombye kuba bari. Ikigaragara cyo, ni uko igihe kimwe hagati yo gupfa no kuzuka, Yesu yimuye aba bera bo mu isezerano rya cyera, abavana aho imyuka y'abapfuye yabaga iri abajyana muri Paradizo. Aha ni hahandi twabonye hejuru, Yesu na we yahise ahajya akimara kuva mu mubiri. Iyi myuka y'Abera bo mu isezerano rya cyera, Bibiliya ivuga ko Yesu amaze kuzuka, yagaragaye muri Yerusalemu abantu benshi barayibona! Matayo 27:51-53 "Umwenda ukingiriza Ahera cyane h’urusengero utabukamo kabiri, utangirira hejuru ugeza hasi, isi iratigita, ibitare birameneka, [52]ibituro birakinguka, intumbi nyinshi z’abera bari barasinziriye zirazurwa, [53]bava mu bituro, maze amaze kuzuka binjira mu murwa wera, babonekera benshi.

==> Iki kibazo kijya kibyutsa ikindi kibazo: "Ese hagati yo gupfa no kuzuka, Yesu yaba yaragiye ikuzimu kurwana na satani no kumwambura imfunguzo?"

Abahamya ibyo, babihera ku cyanditswe kiri muri 1 Petero 3:18-20 Kuko na Kristo yababarijwe ibyaha by’abantu rimwe, umukiranutsi ababarizwa abakiranirwa kugira ngo atuyobore ku Mana amaze kwicwa mu buryo bw’umubiri, ariko ahinduwe muzima mu buryo bw’umwuka. [19]Ni wo yabwiririshije imyuka yo mu nzu y’imbohe, [20]ya yindi itumviraga Imana kera, ubwo kwihangana kwayo kwategerezaga mu minsi ya Nowa inkuge ikibāzwa. Muri yo bake bararokotse ndetse ni umunani, bakijijwe n’amazi. Bakanongeraho icyi cyanditswe: Ibyahishuwe 1:18 "Kandi ndi Uhoraho. Icyakora nari narapfuye ariko none dore mporaho iteka ryose, kandi mfite imfunguzo z’urupfu n’iz’ikuzimu."

===> Iki cyanditswe cyo muri Petero, ubwacyo umuntu ntiyagishingiraho ngo ahamye ko Yesu amaze gupfa yaba yaragiye ikuzimu kubwiriza imyuka yari ifungiyeyo. Byaba bihabanye n'ibindi byanditswe bihamya ko iyo umuntu yapfuye, nta kundi kubwirizwa cyangwa kwizera aba asigaranye. Hari n'abavuga ko ngo Yesu abo yabwirizaga ikuzimu ari Abamarayika bakoze ibyaha ku gihe cya Nowa, ariko na byo byaba bihabanye n'ibindi byanditswe bihamya ko Abamarayika badakeneye kubwirizwa no gukizwa: Agakiza si ak'Abamarayika, ni ak'abantu.

===> Ukuri guhari, ni uko kuba Yesu avuga ko afite "imfunguzo z'urupfu n'iz'ikuzimu", bidakwiriye gufatwa nk'aho ikuzimu ari ahantu hari urugi rufungwa n'imfunguzo nk'uko tuzi inzugi dukoresha hano mu isi. Iri jambo hari n'ahandi yesu yarikoresheje abwira Petero: Matayo 16:18-19 "Nanjye ndakubwira nti ‘Uri Petero, kandi nzubaka Itorero ryanjye kuri urwo rutare, kandi amarembo y’ikuzimu ntazarishobora.’ [19]Nzaguha imfunguzo z’ubwami bwo mu ijuru, kandi icyo uzahambira mu isi kizaba gihambiriwe mu ijuru, n’icyo uzahambura mu isi kizaba gihambuwe mu ijuru.” None se mwagizengo Petero ahagaze ku rugi rw'Ijuru n'imfunguzo nk'izifungura urugi dusanzwe tuzi? OYA rwose, Ijuru si ahantu hazitiye, hakingwa nk'ukinga inzu! urufunguzo ni ikimenyetso bw'ubutware. Kuba Yesu yaravuze ko afite imfunguzo z'urupfu n'iz'ikuzimu", ntibisobanuye ko yagiye ikuzimu kurwana na satani, ahubwo arahamya ko afite ubutware ku rupfu ku buryo abasha kuvanayo uwapfuye akamuha ubuzima, n'ubwo satani we yajyaga yibwira ko ari we ufite ubwo butware.

Ibifitiwe gihamya ni byo twahamya gusa: Hagati yo gupfa no kuzuka Yesu yagiye muri Paradizo, ndetse yanimuye imyuka y'Abera bari barasinziriye ayijyana muri Paradizo. Aho hitwa muri Paradizo, ni ho abera bose ubu badutegerereje, (Baba abo mu isezerano rya cyera n'irishya) kugeza ubwo umugeni wa Yesu na we azazamurirwa akabasangayo, bose bakagororererwa rimwe, Ibyo Bibiliya ibivuga muri aya magambo: Abaheburayo 11:39-40 "Abo bose nubwo bamaze guhamywa neza ku bwo kwizera kwabo, nyamara ntibahabwa ibyasezeranijwe [40]kuko Imana yatugambiriye ikirushaho kuba cyiza, kugira ngo abo badatunganywa rwose tutari kumwe."

Uko ni ko bimeze, nk'uko dukunze kubivuga ntabwo Bibiliya yandikiwe kutumara amatsiko, yandikiwe kutugaragariza umugambi w'urukundo Imana ifitiye umuntu. Ibyabaye mu buzima bwa Yesu byose bigiye kwandikwa, hakwandikwa ibitabo bitagira uko bingana, ni yo mpamvu Bibiliya ivuga bicye bifite icyo byadufasha mu mugambi w'urukundo rw'Imana. Yohana abivuga muri aya magambo: Yohana 21:25 "Ariko hariho n’ibindi byinshi Yesu yakoze, byakwandikwa byose ngira ngo ibitabo byakwandikwa ntibyakwirwa mu isi."

Ngayo nguko: Ibyo Yesu yakoze byose hagati yo gupfa kwe no kuzuka, byari bishingiye ku kwamamaza intsinzi ya burundu no gufungura amarembo ya nyuma y'urupfu ku bizera: Yimuye abizera abavana ahasinzirirwa (Sheol / hades ) abajyana muri Paradizo, na we ubwe yagiye muri Paradizo, ndetse yamamaje intsinzi mu bwami bw'umwijima atangaza ko ari we wenyine ufite ubutware bwose.

Imana itugirire neza kandi Mwuka Wera akomeze adufashe gusobanukirwa.

Answered: Kuki umurimo wa Yesu ku isi wabaye mugufi cyane?

Tue, 22 Apr 2025 19:04:18 +0000

Mu gusubiza iki kibazo, n'ubwo umuntu ashobora kwibaza ati "Umurimo wa Yesu se wabaye mugufi ugereranije n'iki?" ariko kandi umuntu arebye nk'uko abantu tureba, ukagereranya umurimo wa yesu n'umurimo w'abavugabutumwa bamenyekanye cyane nka ba Billy Graham cyangwa Reinhard Bonke, koko wasanga umurimo wa Yesu warabaye mugufi cyane.

Umurimo wa Yesu wamaze imyaka itatu n'igice gusa, mu gihe nk'umurimo w'ivugabutumwa wa Billy Graham wo wamaze imyaka irenga 75, Reinard Bonke we yakoze umurimo w'ivugabutumwa imyaka igera kuri 52, uwa John Wesley wamaze imyaka 53, T.D. Jakes amaze imyaka irenga 40 akorera Imana n'ubu aracyakomeje (2025) ...... ibi byose ugereranije n'umurimo wa Yesu wamaze imyaka 3.5, koko ushobora kuvuga ko umurimo wa Yesu wabaye mugufi cyane.

Ariko rero, byaba ari ukwibeshya cyane turamutse dutekereje ko umurimo wa Yesu wabaye mugufi kubera ko yishwe imburagihe; OYA rwose ntabwo yishwe imburagihe: Kuvuka kwa Yesu, kuba kw'isi nk'umuntu imyaka 30, ivugabutumwa rye ry'imyaka 3.5 , urupfu rwe ku myaka 33.5, kuzuka kwe, agakiza yaduhaye, gusubira mu Ijuru kwe .... byose byari mu murongo ukwiriye w'igikorwa cy'agakiza nk'uko cyateguwe n'Imana ubwayo kuva isi itaranaremwa.

Hari ingingo zigera kuri 5 zatuma tumenya impamvu umurimo wa Yesu wamaza imyaka 3.5 gusa:

1: Kuki Yesu yatangiye kwigisha afite imyaka 30?

Mu buryo butajijinganywaho, bibiliya ivuga ko yesu yatangiye kwigisha afite imyaka 30. Luka 3:23 "Ubwo Yesu yatangiraga kwigisha yari amaze imyaka nka mirongo itatu avutse, [...] . Kuva avutse kugeza ku myaka 30, Bibiliya ivuga ibintu bicye cyane mu bwana bwa Yesu. Gutegereza kuzuza imyaka 30 na byo si impanuka, kuko mu gihe cye imyaka 30 ni yo yafatwaga nk'imyaka ikwiriye umutambyi ngo abashe gukora umurimo w'Imana mu ihema ry'ibonaniro. Kubara 4:3 "abasāgije imyaka y’ubukuru mirongo itatu batarasāza mirongo itanu, abakwiriye gukora umurimo wo mu ihema ry’ibonaniro bose." 1 Ingoma 23:3 "Maze babara Abalewi bashyikije imyaka mirongo itatu y’ubukuru n’abayishagije, kandi umubare wabo uko babazwe umwe umwe, bari inzovu eshatu n’ibihumbi munani."

2: Umurimo wa yesu wamaze igihe cyingana iki?

Mu buryo butajijinganywaho, umurimo wa Yesu wamaze imyaka 3 irengaho gato. Ibyo kubibona biroroshye, iyo urebye ko Yesu ubwe yizihije za Pasika 3 kuva atangiye umurimo; ibyo Yohana arabisobanura neza. Muri iyi myaka 3.5 , Yesu yakoze umurimo utangaje: Yagenze Israel yose kuva i Galilaya yari mu majyaruguru, Samariya yari hagati, kugeza mu Buyuda bwari mu majyepfo, aho yacaga hose yagendaga agira neza, akora ibitangaza, asubizamo abantu ibyiringiro, akiza abarwayi..... None se buri wese yakwibaza: Ko uyu murimo wari mwiza, ko wari ufitiye rubanda akamaro, kuki nibura atakomeje ngo ageze nko ku myaka 20, 30 40 .... nk'abandi bakozi b'Imana twabonye hejuru?

3: Gahunda ya Yesu yari iriho na mbere y'uko aza. Nta muntu wari kugira icyo ayihinduraho

Ni byo. Mbere yuko Yesu aza mu isi, yaje abizi neza ko azangwa, ko azagambanirwa, ko azadupfira ku musaraba, ko azazuka nyuma y'iminsi 3, ko azaha agakiza umuntu wese uzamwizera: Mu byamubayeho nta na kimwe cyamutunguye. Kenshi yagiye avuga ati: "Igihe cyanjye ntikiragera", nyuma yaho akongera ati "Igihe kirasohoye...". INGERO ZIRAHARI: Yohana 7:8 Mwebweho nimujye muri iyo minsi mikuru, ariko jyeweho sinjyayo ubu kuko igihe cyanjye kitarasohora.” Matayo 26:18 "Arabasubiza ati “Mujye mu murwa kwa ntuza, mumubwire muti ‘Umwigisha aravuze ngo igihe cye kirenda kugera, ngo iwawe ni ho ari busangirire ibya Pasika n’abigishwa be.’ ”

Cyera cyane, isi igituwe n'abantu 2 gusa (Adamu na Eva), Imana ubwayo yatanze ubuhanuzi ko Yesu azaza agakandagira satani akamumena umutwe. Aho Yesu aziye, yahanuye kenshi ko azapfa akazuka nyuma y'iminsi 3. Ibi byose bigaragaza ko nta cyatunguye Imana mu mugambi w'agakiza. Yesu ntiyatunguwe n'urwango bamwanze, ntiyatunguwe n'imibabaro yababajwe ku bwacu, ntiyatunguwe n'urupfu rw'agashinyaguro yapfuye... byose yagiye kuza abizi neza ko bizamubaho, ndetse n'igihe bizamuberaho yari akizi. Ibyabaye byose, byabereye igihe gikwiriye: Nta cyatebutse nta cyatinze, nta cyatunguranye, nta cyabaye kigufi nta n'icyabaye kirekire; Abaroma 5:6 "Tukiri abanyantegenke, mu gihe gikwiriye Kristo yapfiriye abanyabyaha." Nta wakwibeshya ngo atekereze ko yatoranijwe ubu.... oya, byaba bihabanye n'ubutumwa bwiza, kuko Bibiliya ivuga ko ko twatoranijwe muri Yesu cyera cyane n'isi itararemwa! Efeso 1:3-4 "Imana y’Umwami wacu Yesu Kristo, ari yo na Se ishimwe, kuko yaduhereye muri Kristo imigisha yose y’umwuka yo mu ijuru, [4]nk’uko yadutoranirije muri we isi itararemwa, kugira ngo tube abera tutariho umugayo imbere yayo.

4: Iby'ingenzi mu mugambi w'agakiza, Yesu yarabikoze mu myaka 3.5

Tumaze kubona ko ibyabaye byose byari mu murongo w'umugambi w'Imana, ariko ni na ngombwa gutsindagira ko mu myaka 3.5 Yesu yakoze ibyari bikenewe byose ngo tubone agakiza kandi ni byo byari byamuzanye. Ubundu dukeneye iki ngo dukizwe? KWIZERA YESU NK'UMWAMI N'UMUKIZA W'UBUGINGO BWAWE. Ubutumwa bwiza dukeneye mu nteruro imwe: Kwizera ko Yesu yaje mu isi afite umubiri, agasamwa ku bwa Mwuka Wera akabyarwa n'umugore, akabaho ubuzima buzira icyaha, akatwunga na Data anesheje icyaha, agapfa, akabambwa ku musaraba, akazuka ku munsi wa 3, akazamurwa kwa Data, muri we ni mwo ubugingo buri, ni we nzira yonyine ijya kwa Data kandi ni we agakiza kabonerwamo gusa, ingoma ye ntizagira iherezo, kandi azagaruka guciraho iteka abari mu isi bose no guha ubuzima buhoraho abamwizeye bose."

Ngubwo butumwa bwiza dukeneye, kandi Yesu mission ye yarayikoze 100%

5: Mu myaka 3.5, Yesu yakoze byinshi kurenza ibizwi

Ni byo nta gushidikanya: Mu myaka 3.5 Yesu yakozemo umurimo, ibyo tuzi yakoze ni bicye cyane ugereranije n'ingano y'ibyo yakoze! Ibi rwose Yohana abihamya atya adaca ku ruhande: Yohana 21:25 "Ariko hariho n’ibindi byinshi Yesu yakoze, byakwandikwa byose ngira ngo ibitabo byakwandikwa ntibyakwirwa mu isi." Nguko ukuri kw'ibyanditswe byera: Nubwo twabonye abakozi b'Imana bamaze imyaka muri za 70 - 80 bakorera Imana, ibyo bakoze muri iyo myaka ntiwabigereranya na gato n'ibyakozwe na Yesu mu myaka 3.5! Mu byakozwe na Yesu, buriya Bibiliya ivuga bicye cyane bifite aho bihuriye n'umugambi w'agakiza gusa. Uramutse ubyanditse byose, za Bibliotheque zakuzura, amazu yose akuzura, isi yose ikuzura ibitabo! Ubwo se twahera he tuvuga ko umurimo wa yesu wabaye mugufi? Ngirango icy'ingezi si umubare w'imyaka yamaze akora, ahubwo icy'ingenzi ni icyavuye mu myaka yamaze akora, bituma benshi bwamwita "Le plus grand Homme de tous les temps". (The greatest Man of all the time)"

Uwiteka atugirire neza

Answered: Ese Yesu yarizuye, cyangwa Imana yaramuzuye?

Sun, 20 Apr 2025 09:32:11 +0000

Bibiliya isobanura neza ibyerekeranye n'izuka rya Yesu, ku buryo iki kibazo gishobora gusubizwa nta guca ku ruhande.

Imwe mu nyigisho igize inkingi ya mwamba mu byo twizera (Doctrin), ni uko twizera icyo twita ubutatu. Ni ukuvuga: Twizera ko Imana Data ari Imana, Tukizera ko Yesu ari Imana, kandi tukizera ko Mwuka Wera ari Imana. Hejuru y'ibyo kandi tukizera Imana imwe rukumbi. (Ushobora gukanda hano ukareba byinshi ku byerekeranye n'ubutatu), cyangwa ugakanda hano ukareba imbumbe y'ibyo twizera (Doctrin)

Bibiriya igaragaza idaca ku ruhande ko abagize ubutatu bwera bose bagize uruhare mu izuka rya Yesu: Yesu yarizuye, Imana yazuye Yesu, na Mwuka Wera yazuye Yesu. Tubisuzume dukoresheje Bibiliya:

1) Yesu yarizuye

Yohana 10:17-18 “Igituma Data ankunda ni uko ntanga ubugingo bwanjye ngo mbusubirane. [18]Nta wubunyaka, ahubwo mbutanga ku bushake bwanjye. Nshobora kubutanga kandi nshobora kubusubirana, kuko iryo ari ryo tegeko nategetswe na Data.”

Yohana 2:19 "Yesu arabasubiza ati “Nimusenye uru rusengero, nanjye nzarwubaka mu minsi itatu.”

==> Nta gushidikanya, Yesu ubwe yivugiye ko afite ububasha bwo gutanga ubugingo bwe ku bushake bwe, kandi afite n'ububasha bwo kubwisuziba. Yivugiye ko nibasenga urusengero (umubiri we), azarwiyubakire ubwe nyuma y'iminsi itatu (Azizura). Aha rero, uwavuga ko Yesu yizuye nta kosa waba ukoze. Igihe Yesu yari mu isi, yari umuntu 100%, akaba n'Imana 100%. Yaradupfiriye ku musaraba kimuntu, ariko nk'Imana ntajya apfa.

2) Imana yazuye Yesu

Ibyakozwe n'Intumwa 2:23-24 "uwo muntu amaze gutangwa nk’uko Imana yabigambiriye, ibimenye bitari byaba, mwamubambishije amaboko y’abagome muramwica. [24]Ariko Imana yaramuzuye ibohoye umubabaro uterwa n’urupfu, kuko bitashobotse ko akomezwa na rwo.

Abagalatiya 1:1 "Pawulo (intumwa itari iy’abantu, kandi itatumwe n’umuntu, ahubwo yatumwe na Yesu Kristo n’Imana Data wa twese yamuzuye)

Abaroma 8:11 "Ariko niba Umwuka w’Iyazuye Yesu aba muri mwe, Iyazuye Kristo Yesu izazura n’imibiri yanyu ipfa ku bw’Umwuka wayo uba muri mwe."

==> Aha na ho, uwavuga ko Imana yazuye Yesu nta kosa yaba akoze.

3) Mwuka Wera yazuye Yesu

1 Petero 3:18 Kuko na Kristo yababarijwe ibyaha by’abantu rimwe, umukiranutsi ababarizwa abakiranirwa kugira ngo atuyobore ku Mana amaze kwicwa mu buryo bw’umubiri, ariko ahinduwe muzima mu buryo bw’umwuka.

==> N'uwavuga ko mwuka Wera yazuye Yesu na we nta kosa yaba akoze.

======

Bigaragara mu buryo butajijinganywaho ko abagize ubutatu bagize ururahare mu iremwa ry'ibiriho, (Creation) bagira uruhare mu mugambi w'agakiza, (Salvation) ndetse banagize uruhare mu izuka rya Yesu (Resurrection)

Uramutse uvuze ko Imana yazuye Yesu, abizera ubutatu bwera bagomba guhita bumva vuba ko Imana Data, yesu ubwe, na Mwuka Wera, bari bahari kandi buri wese muri bo afite ububasha mu mushinga w'iremwa, umushinga w'agakiza, n'umushinga w'izuka.

Murakoze, Uwiteka akomeze atugirire neza.

Answered: Urubanza rwa Yesu: Ese rwabaye mu mucyo?

Sun, 13 Oct 2024 05:59:18 +0000

Urubanza rwa Yesu: Agahomamunwa

==================

Nibyo koko, uru rubanza rwari rurimo ibintu byinshi bidasobanutse kandi bidakurikije amategeko.

Abanyamategeko bamwe muri iki kinyejana cyacu, banagiye bajyana case ya Yesu mu nkiko bashaka ngo Yesu arenganurwe *(?)*, bamwe babikoraga mu rwenya, ariko abandi babaga bakomeje bashaka kwerekana ubugome bwakorewe Yesu.

*1) Inteko iburanisha*:

Ubundi ku gihe cya Yesu urukiko rwo hejuru rwabagaho rwitwaga *Sanhedrin*, rukaba rwari rugizwe n'abacamanza 71 bateranaga ku manywa y'ihangu, kandi bagaterana ari uko quorum yuzuye. Yesu amaze gufatwa, yajyanywe muri uru rukiko nijoro, icyari kigambiriwe byari ukugirango intagondwa zari zigize uru rukiko arizo ziruzamo zonyine, abandi bakangutse amazi yarenze inkombe!

Ikiyongera kuri ibi, iri joro mwibuke ko aba Juifs bari barimo kwitegura iminsi mikuru ikomeye, kandi cyaraziraga gukora umurimo wundi uwo ariwo wose keretse imyiteguro y'iminsi mikuru, ariko ibi barabyirengagije.

*2: Abagabo* (Witnesses).

Amategeko ya Mose yabuzaga bidasubirwaho gucira umuntu igihano cyo gupfa hatabayeho abagabo bo kumuhamya ibyaha. Mu rubanza rwa Yesu, abagabo bahamagawe batanze ubuhamya buri vague, bikagaragaza ko bari baguriwe. Bibiriya irabivuga neza ko bari babuze ibirego, muri aya magambo:

*Mk 14:55* Nuko abatambyi bakuru n'abanyarukiko bose bashaka Yesu ho ibirego ngo babone uko bamwica, barabibura.

Kubera izo mpamvu, byabaye ngombwa ko bashaka abagabo babaha ruswa ngo baze gushinja Yesu. ( *Matayo 26:59-60)*

*3) Abatamyi bakuru Ana na Kayafa*: Muri uwo mwaka, umutambyi mukuru wariho yitwaga *Kayafa*, akaba yari umukwe wa *Ana*. Yohana 18:13, hatubwira ko Yesu amaze gufatwa yabanje kujyanwa kwa Ana. Kubera iki? Ntibyari bikenewe, ahubwo byari bizwi ko Ana yari severe kurusha umukwe we Kayafa, ibyo byose byari inzira zo gukomeza ikibazo.

Ikiyongera kuri ibi, Kayafa yari yararangije kugaragaza aho ahagaze n'urubanza rutaraba, *umucamanza ufata umwanzuro mbere y'urubanza nta butabera ashobora gutanga.* Dore uko Bibiriya ibivuga:

*Yh 18:14* Kandi Kayafa ni we wagiriye Abayuda inama ati “Birakwiriye ko umuntu umwe apfira abantu.” (Ibi yabivuganye ubugome bwo kwicisha Yesu, ariko yaranahanuye!)

*4) Igihano cy'urupfu* :

Muri ibyo bihe, mwibuke ko Abayuda bari mu bubata bw'Abaroma. Urukiko rwabo ntabwo rwari rwemerewe gukatira umuntu igihano cy'urupfu, ibyo bari babizi. Bo bacaga imanza zoroshye zijyanye n'imyemerere, Icyo cyari igihano gitangwa n'ubuyobizi bw'Abaroma gusa.

*5) Ihohoterwa*:

Ntibisanzwe kumva umuburanyi ukubitirwa mu rukiko! (). Ibyabaye kuri Yesu ni agahomamunwa, abacamanza barahagurutse bakubita umuburanyi, bamupfura ubwanwa, bamucira mu maso, ijoro ryose kugeza mu rukerera! *Ni agahomamunwa*

*6) Icyemezo cya Pilato, agahomamunwa*: Yesu agejejwe kwa Pilato, Pilato yakoze enquete, asanga bidasubirwaho ko Yesu ari umwere. Yashatse uko yakwivanaho urwo rubanza arwohereza kwa Herode, Herode na we asanga ntacyo ashinja Yesu, amugarura kwa Pilato. Pilato yari azi 100% ko Yesu ari umwere, dore ko yari yanaburiwe n'umugore we! Pilato yaciye urubanza mu buryo butarabaho mu mateka, sinzi niba ruzongera no kubaho:

Dore umwanzuro wa Pilato:

*Nkurikije ingingo ya.... Y'itegeko No.....; nkurikije iperereza nakoze, NSANZE UYU MUBURANYI ARI UMWERE. Ariko n'ubwo ari umwere, mukatiye igihano cy'urupfu!*(‍♀️‍♀️)

---------------------------

Ngurwo rubanza rw'amateka: akarengane, kwirengagiza amategeko, ihohoterwa, ruswa.... Uko byagenda kose, Imana yabikuyemo icyiza, *warakoze Yesu kumpfira*

Murakoze cyane

Answered: Ibyo Yesu yavuze cyangwa yakoze ari wenyine, byaje kumenyekana bite?

Tue, 03 Oct 2023 20:59:56 +0000

Mu mavanjili uko ari ane, hari ahantu henshi tugenda tubona Yesu ari wenyine rukumbi, nyamara ibyabereye aho hantu yari wenyine bikaza kumenyekana ndetse bikanandikwa mu mavanjiri. Ingero za hafi ni nk'igihe yari mu butayu yiyirije ubusa iminsi 40 (Matayo igice cya 4), cyangwa igihe yasenganaga umubabaro muri Getsemane (Mariko igice cya 14). Aha ni ho umuntu yakwibaza ati "None se ikiganiro Yesu yagiranye na Satani mu butayu, cyaje kumenyekana gute ko nta wundi muntu bari kumwe?"

Mu buzima busanzwe, hari abantu bagira ahantu bagenda bandika ibibabaho buri munsi, bakunze kwita "journal" cyangwa "agenda". Mu ndege cyangwa mu bwato habamo ibitabo bita "journal de bord" aho bandika buri munsi uko urugendo rw'uwo munsi rwifashe n'ibyaruranze byose. Bibiriya si uko yanditswe. Ntabwo abanditse amavanjiri bagendanaga impapuro ku buryo buri kintu cyose Yesu yakoraga cyangwa yavugaga ngo bahite bacyandikamo. Uretse n'ibyo abanditsi b'amavanjiri uko ari bane, babiri gusa ni bo bari abigishwa ba yesu (Matayo na Yohana) bisobanuye ko aba bigishwa babiri ibyinshi mu byo banditse babyiboneye n'amaso yabo cyangwa bakabyumva n'amatwi yabo, ariko Mariko na Luka ntabwo bari mu ntumwa za Yesu, kandi na bo banditse amavanjiri.

Ibyanditswe dusoma mu mavanjili, ababyanditse babyanditse imyaka myinshi nyuma yo kuba. Abanditse vuba banditse nyuma y'imyaka irenga 10 Yesu amaze gusubira mu Ijuru. Nka Luka yivugira uko yakusanyije ibyo yanditse muri aya magambo: Luka 1:1-3 "Abantu benshi bagerageje kuringaniza igitekerezo cy’imvaho cy’ibyemewe natwe rwose, [2]nk’uko twabibwiwe n’abahereye mbere bigitangira babyibonera ubwabo, kandi bakaba ari abigisha b’ijambo ry’Imana. [3]Nuko nanjye maze gukurikiranya byose neza mpereye ku bya mbere, nabonye ko ari byiza kubikwandikira uko bikurikirana wowe Tewofilo mwiza rwose,"

Imwe mu nkingi ya mwamba igize ibyo twizera (Doctrine) mu matorero ayoborwa n'Umwuka (Pentecostal Churches), twizera ko ibyanditswe byera dusoma muri Bibiriya byose byahumetswe n'Imana. 2 Timoteyo 3:16 "Ibyanditswe byera byose byahumetswe n’Imana kandi bigira umumaro wo kwigisha umuntu, no kumwemeza ibyaha bye no kumutunganya, no kumuhanira gukiranuka". Ikiyongereye kuri ibi, Yesu yari yarasezeranije abigishwa be ko namara kugenda azaboherereza Mwuka Wera "akabibutsa ibyo yababwiye byose", muri aya magambo: Yohana 14:26 "ariko Umufasha ari we Mwuka Wera, uwo Data azatuma mu izina ryanjye ni we uzabigisha byose, abibutse ibyo nababwiye byose."

Kubera ibyo tuvuze hejuru, igisubizo gihari ni uko ibyabaye igihe Yesu yari wenyine, Umwuka Wera yabibwiye abanditsi na bo barabyandika. Tutitaye ku gihe cyabayeho hagati y'igihe byabereye n'igihe babyandikiye, Umwuka Wera yari ahari kugirango abibibutse nk'uko Yesu yari yarabibasezeranije. Ikindi gisobanuro abantu bakunze gutanga ni uko Yesu ubwe ashobora kuba yaraganirije abigishwa be ibyabaye badahari. N'ubwo Bibiriya itabivuga, ariko burya Bibiriya ntivuga byose. Nyuma yo kugeragerezwa mu butayu ari wenyine, Yesu yamaranye n'abigishwa be indi myaka 3. Bibiriya ntivuga ibyavuzwe byose muri iyo myaka 3. Nyuma yo kuzuka, Yesu yamaze ku isi iminsi 40, muri iyo minsi 40 dore uko Bibiriya iyivuga: Ibyakozwe n'intumwa 1:3 "Amaze kubabazwa ababonekera ari muzima, atanga ibimenyetso byinshi, agumya kubabonekera mu minsi mirongo ine avuga iby’ubwami bw’Imana." (Birumvikana ko muri iyo minsi 40, Yesu yagize umwanya wo kuganira n'abigishwa be, ibyo baganiriye bashoboraga kubivomamo ibyo banditse mu mavanjiri).

Uko byagenda kose, ibintu byose byabaye mu buzima bwa Yesu hano munsi Imana igasanga hari icyo byadufasha kubimenya yarabitumenyesheje, n'ibyabaye Yesu ari wenyine bikaba hari icyo byadufasha Imana yiboneye uburyo bwo kubitugezaho mu buryo bumwe cyangwa ubundi mu byo tuvuze haruguru. Bibiriya ni Ijambo ry'Imana ryuzuye, nta na kimwe cyatakaye mu nzira kandi hari icyo cyari kudufasha.

Uwiteka abagirire neza

Answered: Yesu yavugaga uruhe rurimi?

Mon, 02 Oct 2023 20:42:50 +0000

Nubwo Bibiriya itavuga mu buryo butomoye ururimi Yesu yakoreshaga, iyo witegereje neza muri Bibiriya usanga Yesu yaravugaga indimi z'igiheburayo n'ikigereki, ariko cyane cyane mu buryo budashidikanywaho, Yesu yakoreshaka icyarameya (Aramaic).

Amavanjili y'ubutumwa bwiza uko ari ane agenda agaragaramo kenshi amagambo y'icyarameya yavugwaga na Yesu nk'aya akurikira:

- Talisa kumi : Mariko 5:41 "Amufata ukuboko aramubwira ati“Talisa, kumi” bisobanurwa ngo “Gakobwa, ndakubwira nti ‘Byuka.’ ”

- Efata (Ephphatha): Mariko 7:34 "Arararama areba mu ijuru, asuhuza umutima arakibwira ati “Efata” risobanurwa ngo “Zibuka.”

- Eloyi Eloyi lama sabakitani (Eloi Eloi lama sabachthani): Mariko 15:34 "Ku isaha ya cyenda Yesu avuga ijwi rirenga ati “Eloyi, Eloyi, lama sabakitani?” Risobanurwa ngo “Mana yanjye, Mana yanjye, ni iki kikundekesheje?”

- Aba(Abba): Mariko 14:36 "Ati “Aba, Data, byose biragushobokera, undenze iki gikombe, ariko bye kuba uko jyeweho nshaka, ahubwo bibe uko wowe ushaka.”

Abashakashatsi mu by'indimi za cyera n'inkomoko zazo bemeje mu buryo butajijinganywaho ko icyarameya ari rwo rurimi rwakoreshwaga muri Isirayeli mu gihe cya Yesu. Icyarameya cyashakaga kumera nk'igiheburayo, ariko cyongewemo andi magambo yatirwaga mu ndimi z'amahanga, cyanecyane izavugwagwa i Babuloni.

Muri Isirayeli icyo gihe cya Yesu, igiheburayo cy'umwimerere cyavugwaga cyane cyane n'abanditsi, abigisha-mategeko, Abafarisayo n'Abasadukayo, mbese babandi b'intyoza mu by'idini. Mu masinagogi ahigishirizwaga ibyanditswe by'isezerano rya cyera (irishya ryari ritarandikwa), hakoreshwaga igiheburayo kuko ni cyo cyari cyanditswemo isezerano rya cyera, bisobanuye ko na yesu yabashaga kukivuga, dore ko ubwo yari mu rusengero yahawe imizingo akisomera ibyanditswe. Ikigereki na cyo cyarakoreshwaga icyo gihe, ariko cyari ururimi rw'Abaroma bategekaga ibice byinshi harimo na Isirayeli. Kubera izo mpamvu, ikigereki cyari ururimi rwa politiki na business. Igihe Yesu yavuganaga na Pilato (Umuroma), ntibizwi neza ururimi bavuganyemo, birashoboka ko Yesu yaba yarakoresheje ikigereki nk'ururimi rwa Pilato, cyangwa se Pilato na we ubwe birashoboka ko yaba yarakoresheje icyarameya.

Nubwo hari abantu bacye bakivuga icyarameya kivuguruye; mu Burasirazuba bwo hagati, icyarameya cyavugwaga mu gihe cya Yesu kibarirwa mu ndimi zazimye. (Dead languages, Langues mortes)

Muri make, Yesu akiri mu isi mu mubiri yari Umuntu akaba n'Imana icyarimwe. Kubera izo mpamvu, yashoboraga kuvuga ururimi urwo arirwo rwose yahitamo, gusa mu buzima bwe mu isi yagerageje kwishushanya n'abantu mu buryo bushoboka, ku buryo yanakoreshaga indimi yasanze ab'icyo gihe n'aho hantu bakoresha: Icyarameya, Igiheburayo n'ikigereki. N'ubwo icyarameya ari cyo yakoreshaga cyane, yashoboraga no gukoresha igiheburayo cyangwa ikigereki bitewe n'aho ari n'abo avugana na bo.

Uwiteka abagirire neza.

Answered: Mu bwana bwa yesu havugwamo iki?

Mon, 02 Oct 2023 20:30:43 +0000

Bibiriya ntabwo ivuga ibintu byinshi mu byabaye mu bwana bwa Yesu, imugaraza avuka, ikongera kumuvuga afite iminsi 8, agahungira muri Egiputa n'ababyeyi be, nyuma yaho Bibiriya ikongera kumuvuga afite imyaka 12, ikongera kumuvuga afite imyaka 30 kugeza kuri 33.

Bikeya Bibiriya ivuga mu buzima bwa Yesu mbere y'uko atangira umurimo we, bigaragaza ko ku myaka 12 yajyanye i Yerusalemu n'ababyeyi be kwizihiza iminsi mikuru ya Pasika nk'uko amategeko yabo yabibategekaga. Luc 2:41-42 "Uko umwaka utashye, ababyeyi be bajyaga i Yerusalemu mu minsi mikuru ya Pasika. [42]Nuko amaze imyaka cumi n’ibiri avutse, barazamuka nk’uko umugenzo w’iyo minsi mikuru wari uri." Muri icyo gihe ubwo yageraga mu rusengero bwa mbere, Bibiriya imugaragaza nk'umwana wari uzi ubwenge butangaje, ku buryo yabashaga kubaza inzobere z'abasaza ibibazo, no kubasubiza ashize amanga. Luka 2:47 "Abamwumvise bose batangazwa n’ubwenge bwe n’ibyo abasubiza."

Nyuma yo kugaragara mu rusengero afite imyaka 12, Yesu yongera kuvugwa afite imyaka 30 ubwo yabatizwaga na Yohana Umubatiza muri Yorodani. Hagati aho ntacyo Bibiriya ivuga ku mibereho ya Yesu, gusa ikizwi ni uko yari atuye i Nazareti mu ntara ya Galilaya, akanjya yumvira ababyeyi be, ndetse agashimwa n'Imana n'abantu. Luka 2:51-52 "Amanukana na bo ajya i Nazareti, agahora abumvira. Ibyo byose nyina abibika mu mutima we. [52]Yesu akomeza kugwiza ubwenge, abyiruka ashimwa n’Imana n’abantu."

Ikizwi tubwirwa na Bibiriya ni uko Yosefu yari umubaji. Kuba Bibiriya ivuga ko Yesu yakuze yumvira ababyeyi be, benshi babiheraho bavuga ko Yesu na we ashobora kuba yarakoze umwuga w'ububaji nka Yosefu. Ibitabo bimwe na bimwe byo hanze ya Bibiriya, binavuga ko Yosefu yaba yarapfuye mbere y'uko yesu atangira umurimo, kandi kuko Mariya yari yarabyaye abandi bana nyuma ya Yesu ( Ibyo byo bibiriya irabivuga, n'amazina yabo ni Yakobo, Yuda, Yosefu na Simoni); Ngo Yesu nk'umwana mukuru mu muryango yaba yarasigaranye inshingano zo kwita kuri barumuna be na nyina Mariya, kugeza atangiye kwigisha ku myaka 30.

Ibyo tuzi dukura muri Bibiriya ni byo Imana yashimye kutumenyesha. Iyo Imana iza gusanga hari icyo byadufasha kumenya byinshi ku bwana bwa Yesu iba yarabitumenyesheje. Hari ibitabo by'amateka byinshi bivuga ku buzima bwa Yesu mbere y'imyaka ye 30, ariko nta buryo buhari bwo kumenya niba ari ukuri kwizewe koko. Erega uretse n'uko Bibiriya itatubwira byinshi ku bwana bwa Yesu, n'imyaka 3 Yesu yamaze yigisha ubwayo ntabwo Bibiriya itubwira ibyayibayemo byose. Yohana abivuga muri aya magambo: Yohana 21:25 "Ariko hariho n’ibindi byinshi Yesu yakoze, byakwandikwa byose ngira ngo ibitabo byakwandikwa ntibyakwirwa mu isi."

Murakoze, Uwiteka abagirire neza

Answered: Yesu yasaga ate (Ku isura)?

Mon, 02 Oct 2023 08:53:07 +0000

Incuro ebyiri gusa muri bibiriya yose, ni ho Bibiriya ikomoza gato cyane ku isura ya yesu, na bwo mu buryo bwa rusange cyane ku buryo budatanga amakuru y'uko Yesu yasaga.

Mu mateka y'isi, abantu bagiye bihangira ishusho zigaragaza isura ya Yesu, akenshi bamugiraga umugabo mwiza cyane, w'isura y'akataraboneka nziza cyane ku buryo yakurura buri wese uyirebye, imisatsi miremire, ubwanwa burebure .... ariko iyi sura y'agatangaza iyo urebye bike bivugwa muri Bibiriya usanga atari ukuri.

Bibiriya ntabwo ivuga byinshi ku isura ya Yesu, bityo nta wamenya mu buryo butajijinganywaga uko yasaga. Gusa hari bike bibiriya imuvugaho bitanga ishusho-rusange y'uko Yesu yari ameze ku mubiri:

1) Ukurikije Bibiriya, ntabwo Yesu yari afite isura y'akataraboneka itandukanye n'izindi ku buryo yakurura uyirebye: Ibi rwose Bibiriya irabivuga neza. Yesaya 53:2 [...]ntiyari afite ishusho nziza cyangwa igikundiro, kandi ubwo twamubonaga ntiyari afite ubwiza bwatuma tumwifuza." Ibi kandi binashimangirwa no mu isezerano rishya, aho igihe Yesu yari muri Getsemane abasirikare baje kumufata, byasabye ko Yuda abereka Yesu uwo ari we, bisobanuye ko nta kindi kintu kidasanzwe cyashoboraga kumutandukanya n'abandi urebeye inyuma ku isura.

2) Yari afite ubwanwa burebure, kimwe n'abandi Bayuda b'icyo gihe: Yesaya 50:6 "Abakubita nabategeye umugongo n’imisaya nyitegera abampfura uruziga, kandi mu maso hanjye sinahahishe gukorwa n’isoni no gucirwa amacandwe." Kuba yesu yari afite ubwanwa (uruziga) bushobora gupfurwa ni uko bwari burebure. Uretse n'ibyo, mu muco w'Abayuda cyaraziraga kogosha ubwanwa ngo umareho, Bibiriya irabivuga. (2 Samuel 10:4,5). Ubwanwa bwari ikimenyetso cy'icyubahiro, kuba barapfuye Yesu ubwanwa na byo ubwabyo bifite icyo byari bisobanuye: Yiyambuye icyubahiro cye ku bwacu.

Uretse ibyo tuvuze haruguru, nta kindi muri Bibiriya waheraho uvuga ku isura ya Yesu, wenda icyo twakongeraho ni uko Yesu yambaraga ikanzu, iyo kanzu nta ruteranyirizo yagiraga. (Yohana 19:23). Kwambara ikanzi na byo byari mu muco rusange w'abayuda icyo gihe.

Ku bizera Yesu nta nubwo kumenya isura Yesu yari afite ari ikintu cyagira icyo kitwongerera, icy'ingenzi ni uko twizera ko yaje mu isi afite umubiri, akababazwa ku bwacu, agapfa ku bwacu, agahambwa akazuka ku munsi wa 3, akaba ari we wenyine agakiza kabonerwamo, kandi akaba ari we nzira yonyine y'ukuri n'ubugingo igana ku Mana.

Uwiteka abagirire neza.

Answered: Niba Yesu ari Imana, kuki yavuze ko atazi igihe azagarukira, kandi Imana izi byose?

Wed, 27 Sep 2023 19:08:14 +0000

Uwabajije iki kibazo yahereye kuri iki cyanditswe: Matayo 24:36 “Ariko uwo munsi n’icyo gihe nta wubizi, naho baba abamarayika bo mu ijuru cyangwa Umwana, keretse Data wenyine."

Mu matorero y'Umwuka (cyangwa ya Gipantekote) twizera ko Yesu ari Imana. (Ushobora gukanda hano ukamenya byinshi ku bihamya ko Yesu ari Imana). None se ko tuzi ko Imana izi byose, kuki Yesu yavuze ko atazi igihe azagarukira?

Gusobanukirwa neza iki kibazo bisaba kubanza gusobanukirwa iki kintu: Igihe Yesu yari mu isi, yari Imana 100%, akaba n'umuntu 100%. (Ntabwo yari Imana-muntu 50/50 OYA). Nk'umuntu 100%, Yesu yarasonzaga, (Luka 4:2); Yarariraga (Yohana 11:35); Yarananirwaga (Yohana 4:6)...n'ibindi. Gusa ntiyigeze akora icyaha (Abaheburayo 4:15). Noneho rero, uwashaka yanibaza ati "Niba yari Imana, kuki yasonzaga kandi Imana idasonza? Kuki yariraga kandi Imana itarira? Kuki yananirwaga kandi Imana itananirwa? .... n'ibindi.

Pawulo yandikira abafilipi, yabasobanuriye neza ko igihe Yesu yari aje mu isi. byamusabye "kwisiga ubusa" muri aya magambo: Abafilipi 2:6-7 "Uwo nubwo yabanje kugira akamero k’Imana, ntiyatekereje yuko guhwana n’Imana ari ikintu cyo kugundirwa, [7]ahubwo yisiga ubusa ajyana akamero k’umugaragu w’imbata, agira ishusho y’umuntu, kandi amaze kuboneka afite ishusho y’umuntu [8]yicisha bugufi, araganduka ntiyanga no gupfa ndetse urupfu rwo ku musaraba."

Igihe Yesu yari mu isi, igihe kimwe yakoreshaga ububasha bwe nk'Imana, ubundi agakora nk'umuntu ukuyeho ko atigeze akora icyaha. Yamenyaga ibyo abantu batekereza nk'Imana, yarangiza agasonza nk'umuntu. Yahozaga abarira nk'Imana, yarangiza akarira nk'umuntu. Ku bw'ibyo rero: Igihe Yesu yavugaga ko atazi igihe azagarukira, yabivugaga nk'umugaragu wicisha bugufi, yabivugaga nk'uwishyize mu ruhu rw'umugaragu w'imbata ufite ishusho y'umuntu. Kimwe n'uko nta muntu n'umwe uzi igihe azagarukira, na we muri ako kanya kuri iyo ngingo yavugaga nk'umuntu, kimwe n'uko mu kandi kanya ku yindi ngingo yashonje nk'umuntu.

Dusoreze kuri iki cyanditswe: Abakolosayi 2:3 "Muri we ni mo ubutunzi bwose bw’ubwenge no kumenya bwahishwe." Bibiriya iduhamiriza mu buryo butajijinganywaho ko kumenya kose n'ubwenge bwose byahishwe muri Yesu. Uwonguwo rero azi byose, mu cyubahiro cye ntacyo atazi, ndetse no mu cyubahiro cye azi neza igihe azagarukira.

Uwiteka abagirire neza.

Answered: Kuvuga ko Yesu ari Umwana w'umuntu bivuze iki?

Thu, 07 Sep 2023 21:01:56 +0000

Iyi mvugo "Umwana w'Umuntu" iganisha kuri Yesu ikoreshwa incuro zigera kuri 88 mu isezerano rishya. Incuro ya mbere ikoreshwa muri Bibiriya iri mu Buhanuzi bwa Daniel 7:13-14 Aho Bibiriya igira iti : “Hanyuma nkitegereza ibyo neretswe nijoro, mbona haje usa n’umwana w’umuntu aziye mu bicu byo mu ijuru, aza umujyo umwe asanga wa Mukuru nyir’ibihe byose, bamumugeza imbere."

[14]Nuko ahabwa ubutware n’icyubahiro n’ubwami, kugira ngo abantu b’amoko yose y’indimi zitari zimwe bajye bamukorera.Ubutware bwe ni ubutware bw’iteka ryose butazashira, kandi ubwami bwe ni ubwami butazakurwaho."

Guhera kuri ubu buhanuzi bwa Daniel, imvugo "Umwana w'Umuntu" ni imvugo yahanuraga Messiah wagomaga kuzaza, agasigirwa guhabwa ibintu bitatu: Ubutware, icyubahiro, Ubwami. Ibi byaganishaga kuri Yesu nta wundi. Igihe Yesu yakoreshaga iyi mvugo "Umwana w'Umuntu", yashakaga kwerekana ko ari we Mwana w'umuntu wahanuwe kuva kera mu bihe bya Daniel. Abayuda bamwumvaga icyo gihe, bagombaga gusanisha Iyo mvugo n'ubuhanuzi bwa Daniel bagasobanukirwa ko uwo bari kumwe ari we Messiya.

Icya kabiri cy'iyi mvugo, Yesu yayikoreshaga ashaka kwerekana ko koko ari umuntu. Ubundi yesu akiri mu isi, yari Imana 100% akaba n'umuntu 100%. Mu gitabo cya Ezekiyeli, Imana yise Ezekiyeli "Mwana w'umuntu" incuro zigera kuri 93. Ahangaha Imana yashakaga kwibutsa Ezekiyeli ko ari umuntu. Umwana w'umuntu ni umuntu. Akiri mu isi, Yesu yari Imana (Yohana 1:1) akaba n'umuntu bumuntu (Yohana 1:14).
Bibiriya iratubwira muri 1 Yohana 4:2-3 "Iki abe ari cyo kibamenyesha Umwuka w’Imana: umwuka wose uvuga ko Yesu Kristo yaje afite umubiri ni wo wavuye ku Mana, ariko umwuka wose utavuga Yesu utyo ntiwavuye ku Mana, ahubwo ni umwuka wa Antikristo, uwo mwumvise ko uzaza kandi none umaze kugera mu isi.

Nibyo, Yesu ni Umwana w'Imana, akaba Imana. Ninabyo, Yesu yari Umwana w'Umuntu, akaba umuntu. Muri make, imvugo "Umwana w'Umuntu" igaragaza ko Yesu ari we Mesiya wahanuwe, ko kandi akiri mu isi yari umuntu"

Imana ibaahe umugisha

Answered: Ese koko Yesu ni Imana?

Tue, 05 Sep 2023 10:36:38 +0000

Ikibazo cyo kwibaza niba Yesu ari Imana ni kimwe mu bibazo byakuruye impaka ndende mu mateka y'isi, ndetse ni kimwe mu bitandukanya amadini n'imyizerere y'abantu mu buryo bukomeye. Tugiye kugisubiza dukoresheje Bibibiriya mu ncamake.

Ku ikubitiro, twabamenyesha ko icyo twita "Christianism" gishingiye ku nkingi ya mwamba: Iyi nkingi ni ukwizera ko Yesu ari Imana. Icyo tugiye gukora ni ukureba niba koko Bibiriya yemeza ibyo bintu.

Kureba niba Bibiriya yemeza ko Yesu ari Imana, turabirebera mu nguni eshanu:

1) Imana ubwayo ibivugaho iki?

2) Yesu ubwe yabivuzeho iki?

3) Abantu banditse ibyanditse byera babibonaga bate?

4) Ese Yesu yigeze akora ibikorwa byashoborwa n'Imana yonyine?

5) Hari ibintu by'umwihariko biranga Imana (ATTRIBUTES): Ese Yesu yari abifite?

Tubisuzume dukoresheje ibyanditswe byera

1) Imana Ubwayo ibivugaho iki?

Imana Ubwayo yise Yesu Imana: Abaheburayo 1:7-8 (" Iby'abamarayika yarabyeruye iti: Ihindura abamarayika bayo imiyaga....Ariko iby'Umwana wayo byo yarabyeruye iti: " Intebe yawe Mana, ni iy'iteka ryose...")

2) Yesu Ubwe yabivuzeho iki?

Muri Bibiriya, hagaragara ahantu henshi Yesu ubwe yavuze ko ari Imana:

(a) Kuva 3:14-15: Imana ibwira Mose iti: " ....Uzabwire Abisirayeli uti: NDIHO yabatyumyeho, UWITEKA Imana ya ba sekuruza banyu...." . Yohana 8:57-58: "Abayuda baramubwira bati: Ko utaramara imyaka mirongo itatu, Aburahamu wamubonye ute" Yesu arababwira ati: "Ni ukuri ni ukuri, ndababwira yuko Aburahamu ataravuka, NDIHO". Ibi bigaragaza iki? NDIHO wavuganaga na Mose, akiyita UWITEKA, ni nawe NDIHO wari urimo kuvugana n'Abayuda. Yesu ubwe yari arimo ababwire ko ariwe NDIHO wavuganaga na Mose.

(b) Yesu ubwe yarivugiye ati: "Ngewe na Data turi umwe" Yohana 10:30

3. Abantu babanye na Yesu, n'abanditse Bibiriya, bamubonaga bate?

(a) Toma yise Yesu Imana bahagararanye, Yesu ntiyigeze amukosora. (Yohana 20:28: Toma aramusubiza ati: "Mwami wanjye kandi Mana yanjye". )

(b) Pawulo yise yesu "Imana Ikomeye": (Tito 2:13 "Dutegereje ibyiringiro by'umugisha, ari byo kuzaboneka k'ubwiza bwa Yesu Kristo, ari we Mana yacu ikomeye n'Umukiza")

(c) Pawulo ahamya ko mbere y'uko Yesu aza mu isi, yari afite akamero k'Imana kandi yari ahwanye n'Imana. (Abafilipi 2:6-10 : "Uwo nubwo yabanje kugira akamero k'Imana, ntiyatekereje yuko guhwana n'Imana ari ikintu cyo kugundirwa.....").

4. Ibikorwa bya Yesu

Tutiriwe tuvuga ku bitangaza Yesu yakoze (kuko hari uwavuga ati n'abantu barabikoze), hari ikintu Yesu yakoraga, ubusanzwe ni Imana yonyine icyenerewe. YABABARIYE IBYAHA. (Matayo 9:3-6; Mariko. 2:5-7; Luka. 7:47-50).

5. Ibiranga Imana (Attributes)

Imana igira ibiyiranga by'umwihariko, kandi ni yo yonyine ibyihariye, nta kindi kibaho kibifite. ibi ni byo mu ndimi z'amahanga bite "attributes" cyangwa "les attributs". Niba Yesu afite izo attributs, bisobanuye ko ari Imana, kuko Imana ni yo yonyine izigira. Reka tubirebe dukoresheje ibyanditswe.

(a) Imana IHORAHO, Yesu AHORAHO: (Yohana. 1:1-3; Col. 1:17; Héb. 1:10-12; Apo. 1:8,18).

(b) Imana NTIHINDUKA, Yesu NTAHINDUKA (Abaheburayo 13:8)

(d) Imana ISHOBORA BYOSE, Yesu ASHOBORA BYOSE (Abakolosayi 1:16)

(e) Imana IBERA HOSE ICYARIMWE, Yesu ABERA HOSE ICYARIMWE (Matayo 18:20)

(f) Imana ni UMUGENGA WA BYOSE (SOUVERAIN), Ikora icyo ishatse kandi ikagikorera igihe ishakiye. Yesu ni UMUGENGA WA BYOSE (SOUVERAIN), akora icyo ashatse kandi akagikorera igihe ashakiye. (Yohana 5:21-22; Matayo 28:18)

Dushingiye ku byo tumaze gusobanura haruguru, Imana ubwawo yavuze ko Yesu ari Imana, Yesu ubwe yahamije ko ari Imana, abantu bahamije ko Yesu ari Imana, ibyaranze yesu (attributtes) ubusanzwe biranga Imana.

UMWANZURO ukaba n'igizubizo: Ni byo, Yesu ni Imana, kandi Bibiriya yemeza ko Yesu ari Imana.

"For one who believe no proof is necessary, for one who doesn't " believe no proof is possible"

Answered: Kuba Yesu ari Imana, biri muri Bibiriya?

Tue, 05 Sep 2023 10:35:31 +0000

Ku ikubitiro, twabamenyesha ko icyo twita "Christianism" gishingiye ku nkingi ya mwamba: Iyi nkingi ni ukwizera ko Yesu ari Imana. Icyo tugiye gukora ni ukureba niba koko Bibiriya yemeza ibyo bintu.

Kureba niba Bibiriya yemeza ko Yesu ari Imana, turabirebera mu nguni eshanu:

1) Imana ubwayo ibivugaho iki?

2) Yesu ubwe yabivuzeho iki?

3) Abantu banditse ibyanditse byera babibonaga bate?

4) Ese Yesu yigeze akora ibikorwa byashoborwa n'Imana yonyine?

5) Hari ibintu by'umwihariko biranga Imana (ATTRIBUTES): Ese Yesu yari abifite?

Tubisuzume dukoresheje ibyanditswe byera

1) Imana Ubwayo ibivugaho iki?

2) Yesu Ubwe yabivuzeho iki?

Muri Bibiriya, hagaragara ahantu henshi Yesu ubwe yavuze ko ari Imana:

(b) Yesu ubwe yarivugiye ati: "Ngewe na Data turi umwe" Yohana 10:30

3. Abantu babanye na Yesu, n'abanditse Bibiriya, bamubonaga bate?

(a) Toma yise Yesu Imana bahagararanye, Yesu ntiyigeze amukosora. (Yohana 20:28: Toma aramusubiza ati: "Mwami wanjye kandi Mana yanjye". )

(b) Pawulo yise yesu "Imana Ikomeye": (Tito 2:13 "Dutegereje ibyiringiro by'umugisha, ari byo kuzaboneka k'ubwiza bwa Yesu Kristo, ari we Mana yacu ikomeye n'Umukiza")

4. Ibikorwa bya Yesu

5. Ibiranga Imana (Attributes)

(a) Imana IHORAHO, Yesu AHORAHO: (Yohana. 1:1-3; Col. 1:17; Héb. 1:10-12; Apo. 1:8,18).

(b) Imana NTIHINDUKA, Yesu NTAHINDUKA (Abaheburayo 13:8)

(d) Imana ISHOBORA BYOSE, Yesu ASHOBORA BYOSE (Abakolosayi 1:16)

(e) Imana IBERA HOSE ICYARIMWE, Yesu ABERA HOSE ICYARIMWE (Matayo 18:20)

UMWANZURO ukaba n'igizubizo: Ni byo, Yesu ni Imana, kandi Bibiriya yemeza ko Yesu ari Imana.

"For one who believe no proof is necessary, for one who doesn't " believe no proof is possible"

Answered: Ese koko Yesu yavutse kuri Noheli (25/12)?

Wed, 03 Jan 2018 20:17:40 +0000

Mu minsi y'impera z'umwaka, iki kibazo ntikijya kibura kwibazwa n'abantu benshi mu bizihiza Noheli. Ibi byagiye bitera impaka guhera kera, cyanecyane guhera mu kinyejana cya 3 ubwo umwanditsi w'Umugereki witwaga Hyppolytus yahamyaga ko yesu yavutse tariki 25 Ukuboza.

Hagati y'umwaka wa 346 - 386, uwitwa Cyril w'i Yerusalem yahamije ko we ubwe yiboneye igitabo cy'umwimerere cyandikwagamo ibarura ry'abana bavuka, ngo yaje gusanga byanditsemo ko Yesu yavutse ku itariki 25/12. Ese koko ibi byafatwa nk'ukuri?

Reka tubanze turebe inkomoko y'uyu munsi muri Kiriziya yariho icyo gihe (Gatorika). Mu binyejana bya mbere by'igihe cyacu, uko ubukristo bwateraga imbere ntibwasiganaga n'ubupagani. Abapagani bo muri ibi binyejana muri ibyo bice by'ubwami bw'abaroma, bari bafite umunsi ukomeye mu mihango yabo ya Gipagani, kuri uyu munsi bizihizaga kandi bakaramya ikigirwamana bitiriraga umubumbe wa Saturne. Uyu munsi wabaga buri tariki 25/12 buri mwaka. Kiriziya yariho icyo gihe, yaje gufata ingamba zo kuburizamo iyi mihango ya gipagani, maze na yo ihindura iyi tariki umunsi wo gusenga no kwizihiza ivuka rya yesu ku bamwemera, cyane cyane banagendeye ku makuru bari bafite ava mu banditsi batandukanye nk'uko twabibonye haruguru. Buhoro buhoro, iyi tariki yagiye yemerwa mu bizera-Mana nk'itariki Yesu yavutseho.

Muri ibi bihe byacu, abashakashatsi benshi bagerageje kwegeranya amakuru make ahari ngo bamenye itariki Yesu yaba yaravutseho. Bamwe bemeza ko bidashoboka ko Yesu yaba yaravutse mu kwa 12, abahamya ibi, ahanini bashingira ku kuba Bibiriya ivuga ko Umunsi Yesu yavukaga, abashumba bari hanze mu ijoro barinze umukumbi wabo, nyamara muri Isirayeli ngo mu kwa 12 habaga hakonje cyane ku buryo nta mushumba wararaga hanze muri aya mezi.

Ukuri guhari, ni uko bidashoboka kumenya nta gushidikanya itariki Yesu yavutseho. Uretse n'itariki, n'umwaka yavutsemo ubwawo ntiwemeranywaho 100% n'abasesenguzi ba Bibiriya. Icyo tugomba kumenya ni kimwe: Iyo Imana iza gusanga ari iby'ingenzi ko tumenya itariki Yesu yavutseho, iba yarabitumenyesheje mu ijambo ryayo. Umwanditsi w'ivanjili Luka atanga amakuru ahagije ku ivuka rya Yesu agize icyo atwungura (Imyenda y'impinja, aho uruhinja rwari ruryamye...) ibi bitwereka uruhinja Yesu avuka mu mubiri nk'uw'umuntu, yicishije bugufi kugeza ubwo avukira mu muvure. Iyo Luka aza gusanga hari icyo bitumariye kumenya itariki nyayo Yesu yavutseho, aba yarayanditse.

Ku bafite umunsi mukuru ku itariki 25/12 nk'umunsi w'ivuka rya Yesu, ntituvuze ko bakora icyaha cyangwa ko bakora ibidakwiriye. Igifite umumaro kuri uyu munsi ni ukuzirikana Icy'ingenzi, aricyo kumenya ko yavutse, ko yazanywe mu isi no kuducungura, ko yapfuye akazuka, ko kandi ubu ari muzima. Ibyo dukwiye kubizirikana buri munsi kurusha kwizihiza umunsi. Ku bazi ibarurisha-mibare (statistics), amahirwe (probability) y'uko Yesu yaba yaravutse ku itariki 25/12 angana na 1/365 binganga na 0,27%. Aya ni nayo mahirwe buri munsi w'umwaka ufite. Yesu ashobora kuba yaravutse ku itariki iyo ariyo yose y'umwaka. NTA MUNTU N'UMWE UBIZI.

Murakoze, Imana ibahe umugisha.

Ikindi kibazo wasoma kikagufasha: Yesu yavutse mu wuhe mwaka, apfa mu wuhe mwaka?

Answered: Ese Yesu yamaze iminsi ingahe n'amajoro angahe mu gituro? Niba koko yarapfuye kuwa 5 ku mugoroba akazuka ku cyumweru mu gitondo, ubwo byuzuye iminsi 3 n'amajoro 3?

Fri, 15 Dec 2017 19:21:11 +0000

Iki ni kimwe mu bibazo byashyizwe ku rutonde rw'ibibazo byo muri Bibiriya bigoye gusobanuza ubwenge bw'umuntu ukoresheje Bibiriya gusa. (Bible difficulties). Tugiye kugerageza gutanga igisubizo, ariko turasaba abasomyi gusoma neza bitonze, uwatangiye gusoma agomba kwihangana akarangiza, kandi akirinda kujabagurika ntasome ibice bimwe ngo asimbuke ibindi.

Aho iki kibazo kibera ingorabahizi: Yesu ubwe yivugiye ko yagombaga kumara iminsi 3 n'amajoro 3 ikuzimu. MATAYO 12:40 Yesu ubwe yaravugiye ati: "Nk'uko Yona yamaze iminsi itatu n'amajoro atatu mu nda y'urufi, ni ko n'umwana w'umuntu azamara iminsi itatu n'amajoro atatu ikuzimu". Ubu tuvugana, miriyari zirenga 2 z'abizera Yesu zizera ko yesu yapfuye ari ku wa 5 nimugoroba, akazuka ku cyumweru mu gitondo. Ubaze uko tubara ubu, kuva kuwa 5 nimugoroba kugeza ku cyumweru mu gitondo bingana n'umunsi umwe n'amajoro 2 gusa. None se byahuzwa bite n'iminsi 3 n'amajoro 3 Yesu ubwe yivugiye?

Bibiriya ivuga iki ku gihe yesu yapfiriye n'igihe yazukiye?

Bibiriya irasobanutse kuri Iki ibazo. Yohana 19:30-42 bibiriya ivuga ko yesu yapfuye ku munsi wo kwitegura Pasika, ndetse mu masaha yegereza itangira ry'isabato. Ibi ni byo byagiye bitera urujijo, kuko n'ubwo ntaho Bibiriya ivuga koYesu yapfuye kuwa 5, abantu bahereye kuri iki cyanditswe bifatira umwanzuro ko byari kuwa 5, cyane cyane kuko Isabato bari bamenyereye yatangiraga kuwa 5 nimugoroba. Ariko nk'uko turi buze kubibona hasi, gutekereza gutya bishobora kugushora mu ikosa.

Nanone Yohana 20:1; Bibiriya igaragaza ko umuntu wa mbere wamenye ko Yesu yazutse, yabimenye kuwa mbere w'iminsi 7, "mu rubungabungo hatarabona." Aha ni ku cyumweru mu gitondo cya kare. Nanone iki nacyo cyagiye kigusha abasobanuzi ba Bibiriya mu gucanganikirwa mu buryo bukurikira: Kuba Mariya Magadalena yarabonye ko yesu yazutse ku cyumweru mu gitondo, ntibisobanuye ko Yesu yazutse ku cyumweru mu gitondo. Yesu yashoboraga kuzuka mu gicuku cyo kuwa 6 ushyira ku cyumweru, cyangwa mu ijoro ryo kuwa 6, n'ibindi.

UMWANZURO WA MBERE: Ntushobora gukoresha Bibiriya ngo uhamye mu buryo budasubirwaho ko Yesu yapfuye ari kuwa 5, cyangwa ko yazutse ku cyumweru. Kuba yarapfuye umunsi ubanziriza Pasika n'isabato ntibisobanuye ko byari kuwa 5 byanze bikunze, kuko nk'uko tugiye kubireba, Bibiriya ivuga izindi sabato zitandukanye n'isabato y'icyumweru. Ikindi, kuba Mariya Madalena yarabonye ko Yesu yazutse ku cyumweru mu gitondo cya kare, ntibisobanuye ko yesu yazutse ku cyumweru mu gitondo cya kare. Komeza usome

Mu isomo ry'ubumenyi bwo gusobanura Bibiriya, (Bibliology); Iyo hari ingorane runaka dukoresha uburyo 2 bwo gukemura impaka. uburyo bwa mbere bwitwa "deductive", bugufasha kugendera ku makuru ufite ukagera ku mwanzuro. (Conclusion). ubundi buryo ari nabwo tugiye kwifashisha, bwitwa "inductive", bugufasha guhera ku mwanzuro uhari (Conclusion), noneho ugashakisha amakuru yashyigikira iyo conclusion. Umwanzuro dufite hano ni uko niba yesu yarivugiye ko azamara iminsi 3 n'amajoro 3 mu gituro, niba twemera ko adashobora kubeshya cyangwa kwibeshya, ibi nta bundi busesenguzi bikeneye, uko ni ko byagenze, yamaze iminsi 3 n'amajoro 3 mu gituro; ahubwo tugiye gushaka ibisobanuro bishyigikira uyu mwanzuro, kuko tumaze kubona ko ibitekerezwa na benshi ko yapfuye kuwa 5 akazuka ku cyumweru biteye ikibazo kidafitiwe ubusobanuro.

Mbere yo gukomeza, reka tubanze dusobanure ko mu gihe cya Yesu na mbere ye, umunsi ntiwatangiraga sasita z'ijoro nk'uko bimeze ubu, ahubwo watangiraga kuva ku mugoroba izuba rirenze kugeza ku mugoroba ukurikiyeho izuba rirenze. Hari ingero nyinshi, nk'Abalewi 23:32 aho Bibiriya ivuga iti ".... mujye muziririza iyo sabato muhereye nimugoroba ku munsi w'uko kwezi wa cyenda mugeze nimugoroba ku munsi wa cumi"

IKIBAZO CY'AMASABATO ATANDUKANYE MURI BIBIRIYA

Hari ibintu by'ingenzi abantu batigeze baha agaciro kandi bivugwa muri Bibiriya, mu gihe byadufasha gusobanukirwa umunsi Yesu yapfiriyeho n'uwo yazukiyeho kandi bigahwana n'iminsi 3 n'amajoro 3. Mu by'ukuri, Bibiriya ivuga isabato irenze imwe. Abantu bagumye ku isabato y'icyumweru yizihizwaga ku munsi wa nyuma w'iminsi 7, bibagirwa ko Bibiriya ivuga n'indi sabato yizihizwaga rimwe mu mwaka ikamara iminsi 7, iyi yo yashoboraga gutangirira ku munsi uwo ariwo wose mu cyumweru.

Mu gitabo cy'Abalewi 23, Bibirya itanga urutonde rw'iminsi mikuru abisirayeli basabwaga kwizihiza. ivugwamo ni iyi:

- Isabato y'icyumweru, yizihizwaga ku munsi wa 7 w'icyumweru (Guhera izuba rirenze ku munsi wa 6 w'icyumweru kugeza izuba rirenze ku munsi wa 7 w'icyumweru), kikazira kugira icyo ukora kuri uyu munsi (Abalewi 23:3)

- Pasika y'Uwiteka, yizihizwaga mu kwezi kwa 1 ku munsi wako wa 14; Ku munsi ukurikiyeho wa 15 hagahita hajyaho umunsi mukuru w'imitsima itasembuwe, kikazira kugira umurimo uwo ariwo wose ukora.

- Kuri uyu munsi wa 15, hahitaga hatangira iminsi mikuru imara iminsi 7. Ku munsi utangira iyi minsi mikuru kikazira kugira umurimo wose ukora, uyu ukaba umunsi mukuru witwa uw'imitsima idasembuwe.

Yohana 19:31; Yohana atanga detail y'ingenzi abandi badatanga: Icya mbere, Yohana avuga ko umunsi Yesu yapfuyeho wari umunsi wo kwitegura pasika, icya kabiri, yongeraho ko iyo Sabato yari umunsi mukuru. Mu cyongereza Bibiriya iravuga iti "for that Sabbath was a high day". Mu busobanuzi bwa Bibiriya nta kantu umuntu asiga inyuma, ijambo rimwe rishobora guhindura ibintu byinshi: Kuba Yohana avuga ati iyo sabato, agaragaza nyine ko iyo sabato yari ifite umwihariko: Uwuhe mwihariko? Abantu benshi bibwira ko Yohana avuga isabato isanzwe, yizihizwa guhera izuba rirenze ku munsi wa 6 w'icyumwery kugeza izuba rirenze ku munsi wa 7 nk'uko twabibonye haruguru.

UMWANZURO WA KABIRI: Nyuma ya yesu, uko ibinyejana byagiye bikurikirana, kubwo kureka kwizihiza iby'iminsi n'imboneko z'ukwezi, ibyerekeranye n'amasabato byaribagiranye kugeza n'aho babyitiranya. Ibi byatumye abantu batabasha gusobanukirwa ko isabato Yohana avuga atari isabato isanzwe y'umunsi wa 7, ahubwo isabato avuga ni isabat iba rimwe mu mwaka, kandi ishobora kugwa ku munsi uwo ariwo wose w'icyumweru.

Muri Yohana 19:31 ; mu murongo umwe gusa Yohana avugamo iminsi ikomeye 2: Pasika, n'isabato Yohana yita "Umunsi mukuru". Uyu munsi mukuru Yohana avuga, ni umunsi wa mbere w'isabato y'iminsi 7 ; uyu munsi ukaba utandukanye n'isabato isanzwe yizihizwa buri cyumweru nk'uko twabibonye hejuru ku rutonde rw'imwe mu minsi mikuru yizihizwaga.

Ni ingenzi cyane gusobanukirwa uyu munsi mukuru Yohana avuga. Yesu yatanze kandi ashyingurwa ubwo biteguraga gutangira umunsi mukuru. reka turebe ibyanditswe, kuko biradufasha cyane.

Amavanjiri yose muri Bibibirya, atubwira ko umunsi umwe mberre y'uko abambwa ku musaraba,Yesu yasangiye Pasika n'abigishwa be. (Luka 22:13-15). Mu Balewi 23, ahavugwa iminsi mikuru yizihizwa, Bibiriya itubwira ko nyuma ya Pasika hahitaga hakurikiraho undi munsi mukuru witwa uw'imitsima idasembuwe. (Abalewi 23:5-6), kuri uyu munsi bikaba nta murimo wemewe gukora uwo ariwo wose. Uyu ni wo munsi mukuru Yohana avuga.

Uko bigaragara rero, yesu yasangiye n'abigishwa be ku mugoroba wa Pasika. Bigeze nijoro ajya mu murima wa Getsemane ari naho yafatiwe, bukeye ajyanwa kwa Pilato, acirwa urubanza, abambwa ku mugoroba, uyu mugoroba yabambweho ari nawo yapfiriyeho, ni wo mugoroba hahise hatangira umunsi mukuru. Uyu munsi mukuru ni isabato y'umwaka, si isabato y'icyumweru.

Tugaruke ku kibazo cyacu: Yesu yapfuye ari kuwa kangahe?

Ubu birazwi ko Yesu yapfuye mu mwaka wa 31. (Ushobora kureba igisubizo ku kibazo kibaza kiti: “Yesu yavutse mu wuhe mwaka, apfa mu wuhe mwaka, wakanda hano”). Ukoresheje porogramme ya mudassobwa, biroroshye cyane kumenya igihe iminsi mikuru twavuze haruguru yabereye mu mwaka wa 31. Pasika (umunsi wa 14 w’ukwezi kwa mbere), n’umunsi mukuru uhita ukurikiraho ari wo w’imitsima idasembuwe (Isabato y’umwaka). Iyo ubikoze, ubona ko mu mwaka wa 31, Pasika yabaye ari kuwa 2 ku mugoroba, kugeza kuwa 3 ku mugoroba. Ku wa 3 ku mugoroba, hahise hatangira umunsi mukuru w’imigati idasembuwe ari wo sabato y’umwaka, ndetse kuri uyu mugoroba ninaho yesu yabambwe, arapfa.

Muri make, Yesu ntiyapfuye kuwa 5 nimugoroba ubwo barimo bitegura isabato y’icyumweru, ahubwo yapfuye kuwa 3 nimugoroba ubwo barimo bitegura isabato y’umwaka.

Ese hari gihamya yindi twabona twifashishije ivanjiri ya Bibiriya?

Yego rwose. Gihamya irahari. Hari akantu k’ingenzi cyane dusanga muri Mariko 16:1 “Isabato ishize, Mariya Magadalena na Mariya Nyina wa Yakobo na Salome, bagura ibihumura neza ngo bajye kubimusiga” Mariko avuga neza yeruye ko aba bagore bagiye kugura ibihumura Isabato irangiye. Ibi birumvikana, kuko nta wundi mwanya bari kubona wo kubigura, kuko Yesu bamushyinguye hahita hatangira umunsi mukuru w’imitsima idasembuwe ari na wo sabato y’umwaka, kandi kuri uyu munsi nta murimo wakorwaga, amaduka yari afunze. Bagombaga gutegereza ko isabato irangira, Nanone rero, Luka na we yongeraho detail y’ingenzi cyane: Luka 23:55-56 Bibiriya igira iti: “55Nuko abagore bavanye na Yesu i Galilaya bamukurikiye, babona imva n'intumbi ye uko ihambwe, 56basubirayo batunganya ibihumura neza n'imibavu. Kandi ku munsi w'isabato bararuhuka nk'uko byategetswe.” . Itegereze neza: Aba bagore bavuye gushyingura Yesu baragarutse. Isabato yari itangiye, ntibasshoboraga kugira umurimo bakora. Baruhutse isabato nk’uko byategetswe. Nyuma yaho, bategura ibihumura neza n’imibavu.

Itegereze neza: Mariko ati: Isabato irangiye, abagore bagura ibihumura neza….Luka ati: “Abagore batunganya ibihumura neza, nyuma ku munsi w’Isabato bararuhuka”. Ibi byahuzwa bite? Kubihuza ntibishoboka, keretse gusa, habaye hari amasabato 2 atandukanye. Niko byagenze: Muri iki cyumweru habaye amasabato 2 atandukanye, hagati yayo harimo umunsi 1 w’akazi.

Dore uko byakurikiranye:

Kuwa 2 ku mugoroba: Yesu yasangiye Pasika n’abigishwa be. Iyi Pasika yatangiye kuwa 2 ku mugoroba, igeza kuwa 3 ku mugoroba nk’uko itegeko riri mu Balewi 23:5

Kuwa 3 ku manywa: Yesu yajyanywe kwa Pilato mu gitondo, Pilato amaze kumubaza amwohereza kwa Herode, Herode arongera amugarurira Pilato, Pilato aramukubitisha, amucira urwo gupfa. Tubaze amasaha nk’uko tuyabara ubu, ubu byari bigeze mu satanu z’amanywa. Yesu yabambwe mu masatanu zishyira sasita. Sasita kugeza sacyenda haba ubwirakabiri ku isi yose

Kuwa 3 ku mugoroba: Sacyenda Yesu yarapfuye. Ibikorwa byakurikiyeho byo kujya gusaba umurambo we kwa Pilato, kumumanura ku musaraba, kubona imva ye…. Byatumye amasaha yicuma agera izuba rirenga. Nkuko Mariko abivuga, Abagore bihutiye kugura ibihumura kugirango babyiyegereze, kuko bari babizi ko umunsi ukurikiyeho nta murimo numwe wemewe gukora. Kuri uyu mugoroba, hahise hatangira umunsi mukuru w’imitsima idasembuwe nk’uko bivugwa Abalewi 23:5-7

Kuwa 4: Umunsi w’ikiruhuko kubera umunsi mukuru w’imitsima idasembuye. Kuri Yesu, uyu ni umunsi wa mbere n’ijoro rya mbere mu mva.

Kuwa 5: Umunsi usanzwe w’akazi. Uyu munsi usanzwe w’akazi watumye abagore babasha gutunganya ibihumura bari bafite, nk’uko Luka abivuga 23:55-56. Babikoze babizi neza ko ku mugoroba w’uyu munsi bagomba gutangira Isabato isanzwe y’icyumweru. Kuri Yesu, uyu ni umunsi wa 2 n’ijoro rya kabiri mu mva

Kuwa 6 amanywa yose: Isabato isanzwe y’icyumweru. Nta kazi kemerewe gukora. Kuri Yesu, uyu ni umunsi wa 3 n’ijoro rya 3 mu mva.

Yesu Yazutse ryari?

Tumaze kubona ko kugera kuwa 6 (Ku isabato) ku mugoroba, Yesu yari amaze iminsi 3 n’amajoro 3 mu mva. Nk’uko tumaze kubibona, abantu bibeshye ku munsi yapfiriyeho banibeshya ku munsi yazutseho. Usanga bahamya ko yazutse ku cyumweru mu gitondo, ariko nta gihamya bafite. Kuba Mariya Madalena yarageze ku mva ku cyumweru mu gitondo agasanga imva irangaye, ntibisobanuye yasanze Yesu amaze kuzuka ako kanya. Yohana 20:1 agaragaza ko uyu mugore yageze ku mva butaracya neza, asanga imva irangaye. Umuzuko wa yesu wabaye mu ibanga, nta muntu numwe wamenya isaha nyayo yazukiyeho. Ikizwi gusa, nkuko twabivuze hejuru aho twatangiriye, uburyo turimo gukoresha bwa inductive budusaba kugendera kuri co...

Answered: Ese Yesu yari afite abavandimwe?

Wed, 14 Jun 2017 15:50:02 +0000

Ikibazo cyo kumenya niba Mariya nyina wa Yesu yaba yarabyaye abandi bana nyuma ya Yesu cyagiye gikurura impaka zikomeye hagati y'abanyamadini. Kiriziya Gatorika yemeza ko Mariya yarinze azamurwa mu ijuru adapfuye kandi atabonanye n'umugabo na rimwe. Amatorero y'Umwuka (Pentecostal Churches) yizera muri rusange ko nyuma ya Yesu Mariya yabyaranye na Yosefu abandi bana ndetse bakabavuga n'amazina.

Iki kibazo iyo gisuzumiwe mu ndorerwamo y'ibyanditswe byera kibonerwa igisubizo kidashidikanywaho.

Mbere yo kujya kure, turebe icyanditswe cyera Matayo 1:24-25: "Yosefu akangutse abigenza uko Marayika w'Umwami Imana yamutegetse, arongora umugeni we. Ariko ntibaryamana arinda ageza igihe yabyariye umuhungu amwita Yesu".

Igihe Mariya yamenyeshwaga ko azabyara Yesu, yarasabwaga nk'abandi bari bose bo muri Isirayeli kandi yari akiri isugi. Uwamusabaga ariwe Yosefu, akimara kumenya ko Fiancee we atwite, yashatse kumubenga rwihishwa. Nicyo giihe Na we Marayika yamubonekeye, aramuhumuriza amubwira ko Mariya atakoze icyaha nk'uko yabikekaga, ndetse amusaba gukomeza gahunda z'ubukwe nk'uko byari biteganyijwe. Gusa, Bibiriya isobanura neza ko nubwo babanye, batigeze baryamana kugeza igihe Yesu yavukiye. Ibi birasobanutse. nyuma yo kuvuka kwa Yesu, Mariya n'umugabo we Yosefu nta tegeko ryari ribariho ryo kutaryamana nk'abashakanye.

Igikurikiyeho, ni ukureba ijambo Bibiriya ikoresha iyo isobanura abavandimwe ba Yesu. Abanditsi b'amavanjiri uko ari 4, bose bandika ku byerekeranye n'abavandimwe ba yesu, bagakoresha ijambo ryo mu kigereki ryitwa "ἀδελφοί". Isezerano rishya ryanditswe mu kigereki. Mu by'ukuri, iri jambo rikoreshwa mu buryo bubiri mu gusobanura "umuvandimwe muhuje umubyeyi", cyangwa se "umuvadimwe wa hafi cyane, nk'igihe ababyeyi banyu ari bo bava indimwe, ibyo twita "cousins" mu ndimi z'amahanga. Ariko rero, mu kigereki habamo irindi jambo "ἀνεψιός" , Iri ryo rikoreshwa hamwe gusa, "umuvadimwe wa hafi cyane, nk'igihe ababyeyi banyu ari bo bava indimwe, ibyo twita "cousins". Iri abanditsi b'amavanjiri ntibigeze barikoresha, ahubwo bakoresheje rya rindi risobanura umuvandimwe muhuje umubyeyi.

Bamwe mu bemeza ko Mariya nta wundi mwana yabyaye, bavuka ko abavandimwe ba Yesu bavugwa ari abana Yosefu yari yarabyaye mbere yo gushaka Mariya. Ariko ibi nta cyanditswe cyera na kimwe wabona kinerekeza muri icyo cyerekezo! Ndetse ahubwo, (Luka 2:4-5) igihe Yosefu yari ahagurutse i Galilaya agiye i Betelehemu kwibaruza, yajyanye n'umuryango we wose kubera impamvu z'ibarura. Icyo gihe Mariya yari atwite inda nkuru y'imvutsi. Bibiriya ivuga umuryango Yosefu yajyanye na wo. Ni we na Mariya gusa. Iyo Yoseefu aza kuba yari afite abandi bana, nta mpamvu igaragara yari gutuma na bo atabajyana kubabaruza. Nta n'impamvu yari kubassiga igihe yari ahungiye muri Egiputa.

Reka noneho turebe ibyanditswe byera. Bibiriya ivuga mu mazina yabo abavandimwe 4 ba Yesu, ndetse na bashiki be itavuga amazina cyangwa umubare. Matayo 13:55-56 ; "Mbese harya, si we wa mwana w'umubaji? Nyina ntiyitwa Mariya, na bene se si Yakobo na Yosefu na Simoni na Yuda? Bashiki be na bo bose ntiduturanye?" Ibindi byanditswe bivuka ku bavandimwe ba Yesu ni nka Matayo 12:45, Luka 8:19 na Mariko 3:31. Mu ba Galatiya 1:19, Pawulo agira ati: "Ariko mu zindi ntumwa nta wundi nabonye keretse Yakobo mwene nyina w'Umwami Yesu." Aha naho Pawulo akoresha rya jambo ry'ikigereki risobanura umuvandimwe muhuje umubyeyi.

UMWANZURO

Ushingiye kuri Bibiriya, nta mpamvu nimwe wabona uhakana ko Mariya yabyaye abandi bana. Abizera ko Mariya nta bandi bana yabyaye, ntibabikura muri Bibiriya, ahubwo babivoma ku bitekerezo bigenderwaho bivuga ko Mariya yabaye isugi ubuzima bwe bwose.

Ese Yesu yari afite abavandimwe? YEGO, yari abafite rwose. Bibiriya ivuga bane (Yakobo, Yosefu, Simoni na Yuda). Bibiriya inavuga ko yari afite bashiki be, ariko ntitanga amazina cyangwa umubare.

Imana ibahe umugisha.

Answered: Ese Yesu ni we muremyi w'ibiriho?

Sun, 04 Jun 2017 17:28:31 +0000

Iki kibazo cyagiye kigarukwaho kenshi, ndetse cyabaye intandaro yo gutandukana kw'amadini menshi, cyanditsweho ibitabo byinshi ndetse abavugabutumwa bakivuzeho mu buryo butandukanye cyane.

Itangiriro 1:1 ; Bibiriya ivuga ko mbere na mbere Imana yaremye ijuru n'isi.

Abakolosayi 1:16 ho hagira hati: "Kuko muri we [muri Yessu] ari mo byose byaremewe, ari ibyo mu ijuru cyangwa ibyo mu isi, ibiboneka n'ibitaboneka, intebe z'ubwami n'ubwami bwose, n'ubutware bwose, n'ubushobozi bwose. Ni we wabiremye byose kandi rero ni na we byaremewe." Iki cyanditse cyo, kigaragaza ko Yesu ari we waremye ibiriho byose.

Ubwiru bw'inyigisho twita "Ubutatu Bwera", ni kimwe mu byanditswe bigoye gusobanukirwa, ariko igihe cyose uhuye n'ikintu bigoye gusobanukirwa ntibiba bivuze ko icyo kintu atari cyo.

Abaheburayo 1:3 havuga ko Yesu ari "ukurabagirana k'ubwiza bw'Imana n'ishusho ya kamere yayo." Yesu asangiye kamere imwe na Data ndetse n'Umwuka Wera. Iyi ni yo mpamvu igaragaza ko icyo Data akoze, n'Umwana aba agikoze, ndetse n'Umwuka wera aba agikoze. Igihe cyose barahuza. 1 Abakorinto 8:6 hagira hati:"ariko kuri twe hariho Imana imwe ariyo Data wa twese ikomokwaho na byose, ari yo natwe dukesha byose, kandi hariho Umwami umwe ari we Yesu Kristo ubeshaho byose, natwe akatubeshaho. " Uyu murongo ugaragaza mu buryo budasubirwaho Ugukorera hamwe mu gikorwa cy'irema.

Abaheburayo 1:2 ; Bibiriya ivuga ko Yesu ari we Imana yaremesheje isi.

Dushyize hamwe ibi byanditswe byose, tubona ko ibyaremwe byose byaremwe n'Imana muri Yesu. Uvuze ko Yesu ari we wabiremye ntiwaba wibeshye na gato, unavuze ko Imana ari yo yabiremye ntiwaba wibeshye na gato.

Kugirango urusheho gusobanukirwa, wasoma n' ibi bibazo bigira biti:

- Ese Bibiriya yemezako yesu ari Imana? Yesu ubwe yabivuzeho iki? Kanda hano ubone igisubizo

- Bibiriya ivuga ko Yesu ari imfura mu byaremwe. Ese Yesu yararemwe? Kanda hano ubone igisubizo

Imana ibahe umugisha.

Answered: Bibiriya iravuga ngo Yesu ni imfura mu byaremwe. Ese Yesu yararemwe?

Tue, 30 May 2017 16:41:06 +0000

Mu ibaruwa Pawulo yandikiye Abakolosayi, igice cya 1 kuva ku murongo wa 15, Pawulo asobanura Yesu mu buryo bwateje impaka kuva kera kugeza n'ubu. Bamwe bagiye bemeza ko kuva Bibiriya ivuga ko Yesu ari imfura mu byaremwe bisobanuye ko Yesu yaremwe, ngo kubera iyo mpamvu, ntiyahozeho (Not Eternal). Kubyemeza gutyo bihabanye n'ibindi byanditswe byera bihamya ko Yesu yahozeho ko kandi ari Imana (Ushobora gukanda hano ukareba igisubizo cy'ikibazo kigira kiti "Ese koko Yesu ni Imana?").

Reka dusuzume neza Iki cyanditswe cyagiye gikurura impaka.

Abakolosayi 1:15-21 "Ni na we [Yesu] shusho y'Imana itaboneka, ni we mfura mu byaremwe byose, kuko muri we arimo byose byaremewe, ari ibyo mu ijuru cyangwa mu isi, ibiboneka n'ibitaboneka, intebe z'ubwami n'ubwami bwose. Ni we wabiremye byose kandi rero ni na we byaremewe. Yabanjirije byose kandi byose bibeshwaho na we."

Iki cyanditswe gitangirana ijambo rikomeye: Yesu ni we shusho y'Imana itaboneka. Iri jambo rikwiye kumvikana neza, Imana itaboneka yiyeretse abantu mu ishusho igaragarira amaso y'abantu. Iyongiyo igaragara ni yo Yesu. Kuvuga ngo Yesu ni imfura mu byaremwe byose, ntibikwiye gufatwa mu buryo abantu dufata iri jambo "imfura" nk'umwana uvutse mbere. Oya. Yesu si ikiremwa ahubwo ni Umuremyi (Yohana 1:10). Mu bumenyi bwimbitse bwo gusobanura Bibiriya (Hermeneutics), ni iby'ingenzi cyane kumenya ko Bibiriya y'umwimerere itanditswe mu kinyarwanda, icyongereza cyangwa igifaransa. Isezerano rishya ryanditswe mu kigereki, uru rurimi rukaba rufite amagambo yagiye asobanuzwa andi mu zindi ndimi. Ni ngombwa kandi gusobanukirwa neza nyiri kwandika icyanditswe. Iri jambo dukoresha mu kinyarwanda "imfura", mu cyongereza tugakoresha "first-born", rifite umwimere waryo mu kigereki aho ryitwa "prototokos" (πρωτότοκος), rikaba ridasobanura byanze bikunze umwana uvutse mbere, ahubwo risobanura "Umwana ufite uburenganzira bwa mbere" cyangwa "priority" . Mu burasirazuba bwo hagati aho uwanditse iki cyanditswe yabaga (Pawulo), imfura ntibyavugaga byanze bikunze umwana uvutse mbere. Oya. Ahubwo prototokos byavugaga umwana ufite uburenganzira bwa mbere, akaba ari na we muragwa. Muri make, washoboraga kuba umuragwa kandi utari imfura. Ingero ziruzuye muri Bibiriya. Salomon ntiyari imfura kwa se Dawidi, nyamara ni we warazwe ingoma.

Hari ikindi cyanditswe muri Bibiriya gikuraho impaka burundu ku byerekeye iri jambo imfura. Zaburi 89:28 "Kandi nzamuhindura imfura yanjye, asumbe abandi bami bo mu isi". Iki cyanditswe cyabwiwe Dawidi nk'uko bigaragara ku murongo wa 21. Aha naho, Bibiriya ikoresha rya jambo ry'ikigereki prototokos. Sobanukirwa neza: None se iri jambo "imfura" riramutse risobanura umwana uvutse mbere, Imana yari guhindura Dawidi umwana uvutse mbere ite, mu gihe tuzi ko Dawidi yari umuhererezi iwabo? igisobanuro kirahari, Imana ntiyabwiraga Dawidi ko izamuhindura umwana uvutse mbere kuko yari yararangije kuba umuhererezi, ahubwo Imana yabwiraga Dawidi ko izamuhindura umwana ufite ibanze (priority).

Iyo umuntu yifuza gusobanukirwa Bibiriya, ntashobora gufata icyanditswe kimwe ngo acyubakeho. Agomba kukigereranya n'ibindi byanditswe biri ahandi, akiga ijambo rikoreshwa, akiga uwavuze iri jambo (ese ni inde? Yari he? yabwiraga nde? kubera iki? hehe? ryari?.....).

Iki cyanditswe rero, ntigisobanura ko Yesu yaremwe mbere, ahubwo gisobanura ko Yesu afite ibanze rya byose byose muri we. Muri we afite byose, ibifatika n'ibidafatika, ubutware bwose (Matayo 28:18). Yesu yaremye isi n'abantu bayiriho, kandi ni we wakijije isi n'abantu bayiriho. Yaremye byose biri mu isanzure.

Niba wifuza kwiga Bibiriya byimbitse, twaguha amasomo ku buntu. Kanda hano urebe amasomo dutanga ku buntu.

Imana ibagirire neza.

Answered: Yesu yavutse mu wuhe mwaka, apfa mu wuhe mwaka?

Sat, 19 Nov 2016 00:04:15 +0000

Kuvuka kwa Yesu, urupfu rwe no kuzuka kwe ni bimwe mu bihe bikomeye kandi byavuzweho cyane kuva isi yaremwa. Ariko ibijyanye n'amatariki n'imyaka ntidukunze kubitindaho cyane kuko ibyo dushyiramo imbaraga ni ukubwiriza abantu inkuru nziza y'agakiza; Ariko rero, nabyo kubinagaho akajisho si icyaha kandi si bibi.

Ubusanzwe ntabwo Bibiriya yanditswe kugirango itumare amatsiko ku bibazo bitandukanye by'ubuzima. Bibiriya yanditswe kugirango itugaragarize umugambi w'Imana ku muntu. Uretse no kuba itavuga umwaka Yesu yapfuyemo, hari n'ibindi byinshi Bibiriya itavuga, Umwanditsi w'ivanjiri Yohana we agira ati: "Hariho n'ibindi byinshi Yesu yakoze, byakwandikwa byose ngirango ibitabo byakwandikwa ntibyakwirwa mu isi" (Yohana 21:25). Bigaragara ko ibyo Imana yashatse ko byandikwa, ni ibifitanye isano ya hafi n'umugambi wayo ku Muntu.

Ariko rero, hari icyo twasubiza kuri iki kibazo duhereye ku busobanuzi butaziguye (Indirect interpretation), ndetse tunifashishije amateka asanzwe yanditswe hanze ya Bibiriya

Amateka y'isi agabanijemo kabiri. Mbere ya Yesu, na nyuma ya Yesu. Kugirango tumenye umwaka Yesu yapfiriyemo, hari ibintu tugenderaho byadufasha.

- Birazwi ko Yesu yatangiye kwigisha afite imyaka 30 (Luka 3:23)

- Birazwi ko umurimo wa Yesu wo kwigisha wamaze imyaka itatu n'igice. Ibi bitugeza ku mwanzuro ko Yesu yamaze ku isi imyaka igera kuri 33 n'igice. Igisigaye rero ni ukumenya umwaka yavutsemo.

1) Igihe Yozefu na Mariya bari barahungiye muri Egiputa, Bibiriya itubwira ko Marayika yabasabye kugaruka iwabo kuko uwabahigaga ariwe Herode yari amaze gupfa. (Matayo 2:19) Birazwi ko Herode yapfuye mu mwaka wa -4 (Umwaka wa kane mbere ya Yesu). Duhereye kuri iki cyonyine, bigaragara ko Yesu yaba yaravutse hagati ya -6 na -4 .

2) Hari ikindi kidufasha kumenya umwaka Yesu yatangiriyemo kwigisha: Duhereye kuri Yohana Umubatiza. Duhereye ku cyanditswe kiri muri Luka 3:1; Bibiriya itubwira ko Yohana Umubatiza yatangiye kwigisha mu mwaka wa 15 wo ku ngoma ya Kayisari Tiberiyo. Kuko bizwi neza igihe uyu mutware yatangiriye kuyobora, umwaka wa 15 wo ku ngoma ye ugwa muri 26 nyuma y'ivuka rya Yesu. Birazwi ko Yesu yatangiye kwigisha nyuma gato ya Yohana Umubatiza. Niba Yesu yaratangiye kwigisha ahagana muri 26, akigisha imyaka 3 n'igice, bigaragara ko yagejeje mu myaka 29-30

3) Yesu yaciriwe urubanza na Pilato. Birazwi mu mateka ko Pilato yayoboye Province y'Ubuyuda kuva mu mwaka wa 26 kugeza 36. Icyanditswe cyo muri Mariko 14:12, Kivuga ko Yesu yapfuye mu gihe cya Pasika. Ugendeye kuri icyo, ukareba ingengabihe (Calendar) Abayuda bakoreshaka icyo gihe yari ishingiye ku kwezi, usanga izo Pasika zivugwa; izishoboka ni ebyiri gusa: Iyo muri 30, cyangwa se iyo muri 33. Pasika ishoboka ni iyo muri 30, kuko ni yo ihura n'imyaka 3 n'igice Yesu yamaze yigisha.

UMWANZURO: Guhera igihe Yesu yapfiriye kugeza ubu habaye byinshi: Za calendars zarahindutse, amateka yaranditswe akagenda asubirwamo, Ariko rero ibyo tuvuze haruguru byose bigaragaza ko Yesu yavutse hagati y'umwaka wa -6 na -4 . Yatangiye kwigisha afite imyaka 30, hari mu mwaka wa 26 cyangwa 27, yigisha imyaka 3 n'igice, hanyuma adupfira mu mwaka wa 29 cyangwa 30.

Ushobora no gusoma inyigisho ku buhanuzi bwa Daniel bwavugaga igihe Mesiya yagoma kuzira ukanda hano

Answered: Ese Bibiriya yemeza ko Yesu ari Imana? Yesu ubwe yabivuzeho iki?

Thu, 17 Nov 2016 22:44:03 +0000

Ku ikubitiro, twabamenyesha ko icyo twita "Christianism" gishingiye ku nkingi ya mwamba: Iyi nkingi ni ukwizera ko Yesu ari Imana. Icyo tugiye gukora ni ukureba niba koko Bibiriya yemeza ibyo bintu.

Kureba niba Bibiriya yemeza ko Yesu ari Imana, turabirebera mu nguni eshanu:

1) Imana ubwayo ibivugaho iki?

2) Yesu ubwe yabivuzeho iki?

3) Abantu banditse ibyanditse byera babibonaga bate?

4) Ese Yesu yigeze akora ibikorwa byashoborwa n'Imana yonyine?

5) Hari ibintu by'umwihariko biranga Imana (ATTRIBUTES): Ese Yesu yari abifite?

1) Imana Ubwayo ibivugaho iki?

Imana Ubwayo yise Yesu Imana: Abaheburayo 1:7-8 (" Iby'abamarayika yarabyeruye iti: Ihindura abamarayika bayo imiyaga....Ariko iby'Umwana wayo byo yarabyeruye iti: " Intebe yawe Mana, ni iy'iteka ryose...")

2) Yesu Ubwe yabivuzeho iki?

Muri Bibiriya, hagaragara ahantu henshi Yesu ubwe yavuze ko ari Imana:

(a) Kuva 3:14-15: Imana ibwira Mose iti: " ....Uzabwire Abisirayeli uti: NDIHO yabatyumyeho, UWITEKA Imana ya ba sekuruza banyu...." . Yohana 8:57-58: "Abayuda baramubwira bati: Ko utaramara imyaka mirongo itatu, Aburahamu wamubonye ute" Yesu arababwira ati: "Ni ukuri ni ukuri, ndababwira yuko Aburahamu ataravuka, NDIHO". Ibi bigaragaza iki? NDIHO wavuganaga na Mose, akiyita UWITEKA, ni nawe NDIHO wari urimo kuvugana n'Abayuda. Yesu ubwe yari arimo ababwire ko ariwe NDIHO wavuganaga na Mose.

(b) Yesu ubwe yarivugiye ati: "Ngewe na Data turi umwe" Yohana 10:30

3. Abantu babanye na Yesu, n'abanditse Bibiriya, bamubonaga bate?

(a) Toma yise Yesu Imana bahagararanye, Yesu ntiyigeze amukosora. (Yohana 20:28: Toma aramusubiza ati: "Mwami wanjye kandi Mana yanjye". )

(b) Pawulo yise yesu "Imana Ikomeye": (Tito 2:13 "Dutegereje ibyiringiro by'umugisha, ari byo kuzaboneka k'ubwiza bwa Yesu Kristo, ari we Mana yacu ikomeye n'Umukiza")

(c) Pawulo ahamya ko mbere y'uko Yesu aza mu isi, yari afite akamero k'Imana kandi yari ahwanye n'Imana. (Abafilipi 2:6-10 : "Uwo nubwo yabanje kugira akamero k'Imana, ntiyatekereje yuko guhwana n'Imana ari ikintu cyo kugundirwa.....").

4. Ibikorwa bya Yesu

Tutiriwe tuvuga ku bitangaza Yesu yakoze (kuko hari uwavuga ati n'abantu barabikoze), hari ikintu Yesu yakoraga, ubusanzwe ni Imana yonyine icyenerewe. YABABARIYE IBYAHA. (Matayo 9:3-6; Mariko. 2:5-7; Luka. 7:47-50).

5. Ibiranga Imana (Attributes)

Imana igira ibiyiranga by'umwihariko, kandi ni yo yonyine ibyihariye, nta kindi kibaho kibifite. ibi ni byo mu ndimi z'amahanga bite "attributes" cyangwa "les attributs". Niba Yesu afite izo attributs, bisobanuye ko ari Imana, kuko Imana ni yo yonyine izigira. Reka tubirebe dukoresheje ibyanditswe.

(a) Imana IHORAHO, Yesu AHORAHO: (Yohana. 1:1-3; Col. 1:17; Héb. 1:10-12; Apo. 1:8,18).

(b) Imana NTIHINDUKA, Yesu NTAHINDUKA (Abaheburayo 13:8)

(d) Imana ISHOBORA BYOSE, Yesu ASHOBORA BYOSE (Abakolosayi 1:16)

(e) Imana IBERA HOSE ICYARIMWE, Yesu ABERA HOSE ICYARIMWE (Matayo 18:20)

UMWANZURO ukaba n'igizubizo: Ni byo, Yesu ni Imana, kandi Bibiriya yemeza ko Yesu ari Imana.

"For one who believe no proof is necessary, for one who doesn't " believe no proof is possible"

Ese Yesu ni we Mesiya?

Wed, 02 Nov 2016 20:44:21 +0000

Mesiya bisobanuye iki?

Wed, 02 Nov 2016 19:44:01 +0000

Ese Yesu yigeze avuga mu ndimi?

Wed, 02 Nov 2016 19:43:12 +0000

Ese aho Yesu ari ubu, aracyafite umubiri (physical body)?

Wed, 02 Nov 2016 19:37:07 +0000

Ese Yesu yigeze agaragara aseka?

Wed, 02 Nov 2016 19:36:27 +0000

Ubu Yesu ari he?

Wed, 02 Nov 2016 19:34:53 +0000

Kuvuga ko Yesu ari Alpha na Omega bivuze iki?

Wed, 02 Nov 2016 19:31:48 +0000

Habaye iki ku isaha ya nyuma mbere y'urupfu rwa Yesu?

Wed, 02 Nov 2016 19:30:05 +0000

Igihe Yesu yavugaga ati "NDI", yashakaga kuvuga iki?

Wed, 02 Nov 2016 19:29:02 +0000

"Kugeragezwa" kwa Yesu kwari kugamije iki?

Wed, 02 Nov 2016 19:27:37 +0000

Bisobanuye iki kuvuga ko Yesu ari adamu wa kabiri?

Wed, 02 Nov 2016 19:25:47 +0000

Bisobanuye iki kuvuga ko Yesu ari Umutambyi wacu mukuru?

Wed, 02 Nov 2016 19:24:49 +0000

Kuki byabaye ngombwa ko Yesu ababazwa kariya kageni?

Wed, 02 Nov 2016 10:39:20 +0000

Bisobanuye iki kuvuga ngo "Yesu ni umwana wa Dawidi"?

Wed, 02 Nov 2016 10:38:21 +0000

Ni gute Yesu ari we Sabato yacu?

Wed, 02 Nov 2016 10:34:21 +0000

Kuki Yesu yigishirizaga mu migani

Wed, 02 Nov 2016 10:33:39 +0000

Kuki ibisekuru bya yesu muri matayo bitandukanye cyane n'ibyo muri Luka?

Wed, 02 Nov 2016 09:17:53 +0000

Yesu yabambwe ari kuwa kangahe?

Wed, 02 Nov 2016 09:14:42 +0000

Bisobanuye iki kuvuga ngo: "Yesu ni infura mu byaremwe byose"? Abakolosayi 1:15

Wed, 02 Nov 2016 09:11:51 +0000

Kuki Yesu yabatijwe? Ese byari ngombwa?

Wed, 02 Nov 2016 09:07:52 +0000

Ese Yesu yigeze aboneka arakaye?

Wed, 02 Nov 2016 09:06:43 +0000

Niba Yesu ari Imana, kuki yavuze ati:"Umwiza ni umwe gusa, ni Imana" Matayo 19;17

Wed, 02 Nov 2016 09:05:18 +0000

Niba Yesu ari Imana, kuki yavuze ati:"Mana yanjye, ni iki kikundekesheje?" Matayo 27:46

Wed, 02 Nov 2016 08:58:19 +0000

Niba Yesu ari Imana, kuki yavuze ati: "Data aranduta" Yohana 15:1

Wed, 02 Nov 2016 08:52:24 +0000

Ese Yesu yabambwe ku musaraba, cuangwa ku giti kimwe?

Wed, 02 Nov 2016 08:50:06 +0000

Kuki byari ingenzi cyane ko Yesu azuka?

Wed, 02 Nov 2016 08:47:46 +0000

Kuvuga ko Yesu ari Umwana w'ikinege w'Imana bishatse kuvuga iki?

Wed, 02 Nov 2016 08:47:06 +0000

Mu by'ukuri, ni inde umuntu yaryoza urupfu rwa Yesu?

Wed, 02 Nov 2016 08:22:44 +0000