Bibiriya irasubiza - Recent questions and answers in Ibibazo byerekeye Umwuka Wera

Ni ryari wamenya ko ufite Umwuka Wera?

Sun, 13 Jul 2025 15:51:26 +0000

Kuzura Umwuka Wera no Kubatizwa mu Mwuka Wera bitandukanira he? Ese umu kristo yakora iki ngo abatizwe mu Mwuka Wera?

Mon, 29 Apr 2024 12:31:06 +0000

Answered: Ni gute namenya impano z'Umwuka mfite?

Tue, 03 Oct 2023 21:43:04 +0000

Ukuri guhari ni uko nta formule ihari umuntu yatanga ngo igufashe guhishura impano ya Mwuka Wera yihishe muri wowe, gusa hari ibyo Bibiriya ivuga byagufasha kumenya impano ikwihishemo.

Bibiriya ivuga ko buri Mukristo wese yahawe ikintu cyashobora kumugaragazaho Mwuka Wera kugirango abandi bafashwe. 1 Abakorinto 12:6-7 "Hariho n’uburyo bwinshi bwo gukora, ariko Imana ikorera byose muri bose ni imwe, [7]umuntu wese agahabwa ikimwerekanaho Umwuka kugira ngo bose bafashwe.

Iyo Mwuka Wera ahaye umuntu impano, ikiba kigamijwe ni ukugirango iyo mpano igire uwo yafasha mu itorero rya Kristo, byaba abandi cyangwa nyir'impano ubwe. Birumvikana ko Iyo Umwuka Wera aguhaye impano runaka, akora ibishoboka byose ukamenya ko iyo mpano uyifite, bitabaye ibyo ikigamijwe nticyabasha kugerwaho.

Ikibazo Abakristo bakunze kugira ni ugutekereza ko bazabanza kumenya neza impano ibarimo mbere yo gukorera Imana, kabone n'ubwo baba babizi neza ko Imana yabahanagariye kuyikorera. Ijambo ry'Imana rikorerera ku mahame, kandi rimwe muri ayo mahame ni uko Imana yaduhamagariye kuyikorera twese: Kuva 23:25 "Kandi muzakorere Uwiteka Imana yanyu, na yo izaha umugisha umutsima wawe n’amazi yawe, kandi nzakura indwara hagati muri mwe."

Iyo wamaze gusobanukirwa ko wahamagariwe gukorera Imana, ukurikizaho gukora ikintu bamwe bakunze kwirengagiza bakeka ko ari icyaha, ariko sicyo: Kwifuza impano za Mwuka Wera. 1 Abakorinto 14:1 "Mushimikire urukundo kandi mwifuze impano z’Umwuka, ariko cyane cyane mwifuze guhanura." Iyo wamaze gusobanukirwa ko Imana iguhamagarira kuyikorera, ukagira inyota n'inzara kandi ukagaragaza kwifuza impano runaka, Imana ikwambika ibyo ukeneye byose kugirango ubashe kuyikorera mu buryo bukwiriye, kandi Mwuka Wera anagufasha gusobanukirwa neza impano ikurimo mu buryo bumwe cyangwa ubundi, nta wakora urutonde ndakuka rw'ibimenyetso by'impano runaka kuko inzira z'Imana zirenga 1,000; ariko hari ibikunze kumenyesha Abera impano ibarimo bikurikira:

1) KUBYIYUMVAMO

Iyo Umukristo ari mu busabane bwiza n'Imana, byanze bikunze hari ikintu yiyumvamo muri we asunikirwa gukora mu nzu y'Imana no mu murimo wayo, kandi yagikora akumva anezerewe kurusha uko yabwirwa gukora ikindi. Iyo wiyumvamo gukora umurimo runaka mu nzuy'Imana ntukirirwe utegereza ubuhanuzi ngo utangire gukora. Icyo ukora icyo gihe wegera abakuriye uwo murimo mukaganira, ukamenyeraho ibisabwa ngo ukore uwo murimo bitewe n'umurongo buri torero riba ryarihaye.

2) IMPANO YIGARAGAZA: Hari igihe Ujya kubona ukabona Umukristo ubwe yishyize ku ruhande (Demarquation) agakorera ikintu mu mpano cyangwa italanto itandukanye n'iby'abandi mu buryo bugaragarira buri wese. Bitabaye ngombwa ko yaba yarabyize, agakora ikintu neza kurusha uwakize. Aha ni ho ujya kubona ukabona umwe araririmba neza ntawe abikomoraho, undi agacuranga neza atarabyize, undi akabwiriza mu mbaraga... cyangwa n'iyo waba warabyize ariko ukabikora mu buryo bugaragarira buri wese ko ubifitemo impano.

3) KUBIBWIRWA:

Abantu batubona ku murimo akenshi na kenshi bashobora kudufasha kumenya ibyo dukora neza n'ibyo dufitemo italanto n'impano, rimwe na rimwe wenda twe tutari tunabizi. Umuntu ashobora kumenyeshwa n'abandi impano imurimo biciye mu buryo bwinshi: Ubuhanuzi, gushimwa mu gikorwa wakoze, umusaruro uva mu byo ukora... mbese biturutse ku kintu wakoze, abantu bakakubwira ko ugifitemo impano mu buryo bugaragara.

Uko ni ko bimeze: Iyo Imana iguhamagariye kuyikorera iguha ibyo uzakenera ngo ubashe gukora, kandi ikora ibishoboka byose ukamenya ko ibyo ukeneye ngo ukore wabihawe. Ntitwanirengagiza ko abantu bamwe baryamisha impano kandi babizi ko bazifite, hari n'abazikoresha nabi babizi cyangwa batabizi, ibyo byose biterwa na kamere muntu ariko ntibikuraho imikorere ya Mwuka Wera cyangwa ngo biyihundure ubusa.

Uwiteka abagirire neza.

Answered: Kuki akenshi inuma ifatwa nk'ikimenyetso cya Mwuka Wera?

Tue, 03 Oct 2023 21:25:47 +0000

Ni byo ko muri Bibiriya Yera inuma ifatwa nk'ikimenyetso cya Mwuka Wera. Amavanjiri uko ari ane yose akomoza ku kubatizwa kwa Yesu, akagaragaza uko "Mwuka wera yamanutse kuri Yesu mu ishusho y'inuma. (Matayo 3:16; Mariko 1:10; Luka 3:22; Yohana 1:32) Luka abivuga muri aya magambo: Luka 3:21-22 "Nuko abantu bose babatijwe, na Yesu amaze kubatizwa, agisenga ijuru rirakinguka, [22]Umwuka Wera aramumanukira afite ishusho y’umubiri usa n’inuma, ijwi rivugira mu ijuru riti “Ni wowe Mwana wanjye nkunda nkakwishimira.”

Ubusanzwe Umwuka Wera ntagaragara ku maso y'umubiri kuko ni umwuka nyine. n'Imana ubwayo ni umwuka, kubera izo mpamvu kugirango Yesu tumubone byamusabye kwambara umubiri nkuw'umuntu. Mbere y'uko Yesu aza mu isi, hari ubuhanuzi bwinshi bwari bwaravuze kuri we kuva cyera, bumwe muri bwo bwagiraga buti: Yesaya 61:1 "Umwuka w’Umwami Imana ari kuri jye, kuko Uwiteka yansīze amavuta ngo mbwirize abagwaneza ubutumwa bwiza, yantumye kuvura abafite imvune mu mutima no kumenyesha imbohe ko zibohowe, no gukingurira abari mu nzu y’imbohe."

Ubu buhanuzi, kimwe n'ubundi bwose, bwagombaga gusohora kandi bugasohorera mu maso no mu matwi ya bose. Byagombaga kugaragarira buri wese ko Umwuka w'Umwami Imana uri kuri we koko. Kuko Umwuka Wera atagaragara kuko ari Umwuka, byamusabye gufata ishusho yabasha kubonwa n'abantu kugirango bamubone. Yego, ariko se kuki yahisemo kwigaragaza mu ishusho y'inuma? Kuki atigaragaje mu ishusho y'igisiga cyangwa ikinyugunyugu?

Inuma muri Bibiriya ifatwa nk'ikimenyetso cy'amahoro (Peace), umutuzo, kwera (purity), gutungana rwose (Innocence). Kuva mu itangiriro ubwo Nowa yari mu nkuge, inuma ni yo yamuzaniye ikimenyetso ko amazi yagabanutse mu isi (Itangiriro 8:8-12). Mu isezerano rishya Matayo yanditse agira ati: “Dore mbatumye muri nk’intama hagati y’amasega, nuko mugire ubwenge nk’inzoka, kandi muzabe nk’inuma mutagira amahugu." (Matayo 10:16) Mu ndimi z'amahanga uyu murongo ugira uti: “I am sending you out like sheep among wolves. Therefore be as shrewd as snakes and as innocent as doves." Mu bindi bice bya Bibiriya Umwuka Wera yagiye yigaragaza no mu bundi buryo bitewe n'icyo yifuzaga gusobanura: Mu byakozwe n'intumwa yigaragaje nk'ibirimi by'umuriro, (Ibyakozwe 2:3) kugirango asobanure uko yari agiye gukorana n'intumwa mu mbaraga z'ibitangaza.

Kwigaraga mu ishusho y'inuma na byo byari ukwerekana no kwemeza Umwami w'amahoro uzakorana ubugwaneza no kwicisha bugufi. Matayo 11;29-30 "Mwemere kuba abagaragu banjye munyigireho, kuko ndi umugwaneza kandi noroheje mu mutima, namwe muzabona uburuhukiro mu mitima yanyu, [30]kuko kunkorera kutaruhije, n’umutwaro wanjye utaremereye.”

Murakoze, Uwiteka abagirire neza.

Answered: Ese kuvuga mu ndimi ni ikimenyetso cyo kuzura Mwuka wera?

Sat, 23 Sep 2023 19:16:54 +0000

Iki ni ikibazo abakristo benshi bakunze kwibaza, bamwe bagaterwa ipfunwe n'uko bataravuga mu ndimi nshya, bigatuma bibaza niba koko baba bafite Mwuka Wera muri bo cyangwa niba baramwuzuye.

Incuro 3 mu Byakozwe n'intumwa, ni ho tubona aho guhabwa Mwuka Wera byahise biherekezwa no kuvuga mu ndimi nshya:

- Ibyakozwe n'Intumwa 2:4 "Bose buzuzwa Umwuka Wera, batangira kuvuga izindi ndimi nk’uko Umwuka yabahaye kuzivuga."

- Ibyakozwe n'Intumwa 10:44-46 "Petero akivuga ibyo, Umwuka Wera amanukira abumvise ayo magambo bose. Abizeye bo mu bakebwe bajyanye na Petero barumirwa bose, kuko n’abanyamahanga na bo bahawe Umwuka Wera akaba abasutsweho, kuko bumvise bavuga izindi ndimi bahimbaza Imana. Maze Petero arababaza ati “Aba ngaba bahawe Umwuka Wera nkatwe, ni nde ubasha kubima amazi ngo batabatizwa?”

- Ibyakozwe n'intumwa 19:6 "Pawulo amaze kubarambikaho ibiganza Umwuka Wera abazaho, bavuga izindi ndimi barahanura."

Nubwo bimeze bityo, aho tumaze kuvuga ni ho honyine muri Bibiriya kuvuga mu ndimi byabaye ikimenyetso cyo kwakira Mwuka Wera. Ahandi hose muri Bibiriya, ibihumbi by'abantu byagiye bihabwa Mwuka Wera ariko ntacyo Bibiriya irenzaho ku byerekeye ikimenyetso cyo guhabwa Mwuka Wera: Ukuri guhari, ni uko nta nahamwe Bibiriya yaba ivuga ko kuvuga mu ndimi aricyo kimenyetso cyonyine cyo guhabwa Mwuka wera, icyakora kuvuga mu ndimi bishobora kuba kimwe mu bimenyetso byo kuzura Mwuka Wera.

Bibiriya Itubwira ko buri mwizera muri Kristo afite Umwuka Wera:

- Abefeso 1:13-14 "Ni we namwe mwiringiye mumaze kumva ijambo ry’ukuri, ari ryo butumwa bwiza bw’agakiza kanyu, kandi mumaze kwizera ni we wabashyizeho ikimenyetso, ari cyo Mwuka Wera mwasezeranijwe, uwo twahawe ho ingwate yo kuzaragwa wa murage kugeza ubwo abo Imana yaronse izabacungura. Ubwiza bwayo bushimwe.

- Abroma 8:9 "Ariko mwebwe ntimuri aba kamere, ahubwo muri ab’Umwuka niba Umwuka w’Imana aba muri mwe. Ariko umuntu wese utagira Umwuka wa Kristo ntaba ari uwe."

- 1 Abakorinto 12:13 "kuko mu Mwuka umwe twese ari mo twabatirijwe kuba umubiri umwe, naho twaba Abayuda cyangwa Abagiriki, naho twaba imbata cyangwa ab’umudendezo. Kandi twese twujujwe Umwuka umwe."

Ibi byanditswe tumaze kuvuga hejuru, biragaragaza ko buri Mwizera Kristo aba afite Mwuka Wera muri we, nyamara si itegeko ko avuga mu ndimi nk'ikimenyetso cy'uko afite Mwuka Wera. Wenda wakwibaza uti None se kuki ziriya nshuro 3 twabonye hejuru, kuki abahawe Mwuka Wera byahise bikurikirwa no kuvuga mu ndimi? Abigishwa bari bagiteraniye mu cyumba cyo hejuru bategereje isezerano ryo guhabwa Umwuka Wera. Kuva mu isezerano rya kera kugeza ubwo, Umwuka Wera yakoraga mu buryo butimbitse, yazaga ku bantu ku mpamvu runaka.... Ariko noneho Umwuka Wera yari agiye gutangira kuba mu bizera mu buryo buhoraho. Abigishwa bari bakeneye ikimenyetso kidasubirwaho kandi kitajijinganywaho ko izo mpinduka zabaye. Ndetse bari bakeneye guhamirizwa imbere y'ababarebaga n'ababumvaga. Abanyamahanga na bo bahawe kuvuga mu ndimi bakimara guhabwa Mwuka Wera, kugirango bigaragarire buri wese ko abanyamahanga na bo bashobora guhabwa Mwuka Wera igihe cyose bizeye Yesu. (Ibyakozwe n'Intumwa 10:47; 11:17)

Kuvuga mu ndimi, nta na hamwe bigaragara muri Bibiriya nk'ikintu buri Mukristo agomba kwitega ko kiba akimara kwizera Yesu. Ikiba ukimara kwizera Yesu ni ukwakira Mwuka Wera.

YEGO, kuvuga mu ndimi ni kimwe mu bimenyetso byo kuzura Mwuka Wera, ariko sicyo cyonyine. Umwuka Wera akora mu bwisanzure bwose mu buzima bw'Umukristo, amuhamiriza ko ahari biciye mu nzira ashaka no mu gihe ashaka. Niba warakiriye Yesu nk'Umwami n'Umukiza w'ubugingo bwawe, ariko ukaba utaravuga mu ndimi nshya, ntukagire ipfunwe ryo kwibaza niba koko Yesu na Mwuka Wera bari mu bugingo bwawe: Barahari, ukomeze wizere kandi wifuze impano z'Umwuka, Mwuka Wera ari muri wowe kandi arakora mu buryo bumwe cyangwa ubundi; gusa kuvuga mu ndimi nshya ni ikintu cy'ingenzi mu buzima bw'umukristo, kuko Bibiriya ivuga ko usengera mu ndi aba "yiyungura", (yikomeza, aba yiyubaka:) None se hari umukristo udakeneye kwiyubaka?

Turangirize kuri iki cyanditswe: Mariko 16:17 "Kandi ibimenyetso bizagumana n’abizera ngibi: bazirukana abadayimoni mu izina ryanjye, bazavuga indimi nshya, bazafata inzoka, kandi nibanywa ikintu cyica nta cyo kizabatwara na hato, bazarambika ibiganza ku barwayi bakire.” Ni byo ko Yesu yavuze kuvuga mu ndimi nka kimwe mu bimenyetso bizagumana n'abazamwizera, ariko ntaho yigeze avuga kuvuga mu ndimi nk'ikimenyetso cyo kuzura Mwuka Wera. Ikiyongera kuri ibyo, Igihe uhawe Umwuka Wera, nta tegeko Mwuka Wera afite ryo kuguha kuvuga mu ndimi ako kanya. Afite ubwisanzure bwose, abikora uko ashatse no mu gihe ashakiye.

Murakoze. Imana ibahe umugisha.

Answered: Bibiriya ivuga ko icyaha cyo gutuka Mwuka Wera kitababarirw: Gutuka Mwuka Wera ni gute?

Sat, 23 Sep 2023 18:56:20 +0000

Iki kibazo kirasa n'ikindi kivuga kiti "Ni ikihe cyaha kidashobora kubabarirwa?" Cyarasubijwe, wakanda hano ukareba igishubizo

Impano yo gukora ibitangaza: Ni iki, ikora ite?

Thu, 03 Nov 2016 07:00:58 +0000

Umurimo wa Mwuka wera ni uwuhe?

Thu, 03 Nov 2016 07:00:14 +0000

Itorero nirimara kugenda, Ese Mwuka Wera we azaguma mu isi?

Thu, 03 Nov 2016 06:59:14 +0000

Ni gute namenya kuyoborwa n'Umwuka Wera?

Thu, 03 Nov 2016 06:58:21 +0000

Impano yo kurobanura imyuka: Ni iki, ikora ite?

Thu, 03 Nov 2016 06:57:32 +0000

Impano y'ubuhanuzi: Ni iki, ikora ite?

Wed, 02 Nov 2016 21:15:58 +0000

Impano yo gukiza indwara: Ni iki, ikora ite?

Wed, 02 Nov 2016 21:15:36 +0000

Impano yo kwizera: Ni iki, ikora ite?

Wed, 02 Nov 2016 21:14:54 +0000

Impano yo gusobanura indimi: Ni iki, ikora ite?

Wed, 02 Nov 2016 21:14:19 +0000

Impano y'ijambo ry''ubwenge n'ijambo ryo kumenya: Izi mpano zikora zite, zitandukanira he?

Wed, 02 Nov 2016 21:12:53 +0000

Ese twemerewe kuramya Mwuka Wera no kumusenga?

Wed, 02 Nov 2016 21:11:44 +0000

Ese hari urutonde ndakuka (Exhaustive list) rw'impano z'Umwuka?

Wed, 02 Nov 2016 21:11:02 +0000

Ese Mwuka Wera ashobora kuva ku mwizera akigendera?

Wed, 02 Nov 2016 21:09:55 +0000

Ni gute umuntu ababaza Mwuka Wera?

Wed, 02 Nov 2016 21:08:37 +0000

Impano yo kuvuga mu ndimi: Ni iki, ni gute?

Wed, 02 Nov 2016 21:07:42 +0000

Ese ni ngombwa ko buri mwizera wese yumva Mwuka Wera?

Wed, 02 Nov 2016 21:07:01 +0000

Ni irihe tandukaniro hagati y'itaranto n'impano y'Umwuka?

Wed, 02 Nov 2016 21:04:46 +0000

Ni izihe mpano z'Umwuka Bibiriya ivuga?

Wed, 02 Nov 2016 21:03:53 +0000

Ni uwuhe murimo wa Mwuka Wera muri iyi minsi ya none?

Wed, 02 Nov 2016 21:02:53 +0000

Mu isezerano rya kera, Umwuka Wera yakoraga ate?

Wed, 02 Nov 2016 21:02:25 +0000

Kubatizwa mu Mwuka Wera ni gute?

Wed, 02 Nov 2016 21:01:37 +0000

Imbuto z'Umwuka ni iki?

Wed, 02 Nov 2016 20:59:31 +0000

Duhabwa Umwuka Wera ryari/gute?

Wed, 02 Nov 2016 20:58:39 +0000