Bibiriya irasubiza - Recent questions and answers in Ibibazo byerekeye gusenga

Answered: Ese ni gute wasenga mu mwuka no mu ukuri

Mon, 03 Aug 2026 17:47:17 +0000

Ibijyanye no gusenga mu kuri no mu Mwuka, bikomoka ku kiganiro Yesu yagiranye n'umugore w'Umusamaliyakazi nk'uko kivugwa mu butumwa bwiza bwa Yohana igice cya 4. Muri Bibiliya yose, iki ni cyo kiganiro kirekire Yesu yigeze yagirana n'umuntu umwe, bikaba bigaragaza uburemere bw'ibyo baganiriye.

Imvo n'imvano

Biradusaba gusubira inyuma gato mu isezerano rya cyera. Nyuma y'ingoma ya Salomon, igihugu cya Israel cyacitsemo ibice bibiri, buri gice kigajya kiyimikira umwami, ibi bice byabayeho bihangana ndetse byageze n'aho byarwanaga mu ntambara.

- Mumajyepfo, hagiye igice kimwe, mu miryango 12 ya Israel iki gice cyafashe izina ry' UBUYUDA, kijyana imiryango 2 (Yuda + Benjamin + Abatambyi b'Abalewi). iki gice cyari gifite umurwa witwaga YERUSALEMU, kandi abaturage b'iki gice bitwaga ABAYUDA.

- Mu majyaruguru, hagiye ikindi gice, gifata imiryango 10 isigaye, kikagira umurwa mukuru witwaga SAMALIYA. Abari batuye muri gice bakomeje kwitwa ABISIRAYELI, ndetse abari batuye i Samaliya bakomeza kwitwa ABASAMALIYA.

Aya makimbirane hagati y'ibice byombi yaje yafata indi ntera, kugeza aho Abayuda baje kujya banena bikomeye Abasamaliya bakabafata nk'abahumanye. Ubusanzwe inzira yavaga i Buyuda ijya i Galilaya yacaga i Samaliya, ariko kubera kwanga guca i Samaliya Abayuda baremeraga bakazenguruka ariko ntibace i Samaliya. No mu gihe cya Yesu ni uko byari bikimeze, ndetse Abayuda bo bibwiraga ko ahantu hakwiriye ho gusengera ari i Yerusalemu, Abasamaliya na bo bakavuga ko ahakwiriye gusengerwa ari i Samaliya ku musozi witwaga Korazini.

Ibi na Yesu nuko yabisanze. Gusa we kuko atajya anena umuntu uwo ariwe wese, yavuye i Buyuda ashaka kuzamuka ngo ajye i Galilaya, we yiyumvamo ko agomba kunyura i Samaliya n'ubwo abandi babifataga nk'ibizira. Yohana 4:3-4 "ni cyo cyatumye ava i Yudaya agasubira i Galilaya, [4]yiyumvamo ko akwiriye kunyura i Samariya."

Kuki Yesu yiyumvisemo ko akwiriye kunyura i Samaliya kandi benewabo b'Abayuda barabifataga nk'ikizira? Igisubizo ni uko yari yaboneye kure umugore wari unaniwe wari ukeneye kubwirwa ubutumwa bwiza buruhura. Yesu ageze i Samaliya, yahitiye ku iriba yahuriyeyo n'Umusamaliyakazi, uyu mugore we yahise amenya ko Yesu ari Umuyuda, ndete bidatinze ahita agaragaza icyo yatekerezaga ku Bayuda: Yohana 4:9 "Umusamariyakazi aramusubiza ati “Ko uri Umuyuda nkaba Umusamariyakazi, uransaba amazi ute?” Icyatumye abaza atyo ni uko Abayuda banenaga Abasamariya."

Mu kiganiro kirekira bagiranye, Umusamaliyakazi yabwiye Yesu ko ahantu hakwiriye gusengerwa ari ku musozi barebaga hakurya yabo witwaga korazini! Uko ni ko uyu mugore yabyumvaga. Igisubizo Yesu yamuhaye, ni cyo kirimo ikibazo tugiye gusuzimuma:

Yohana 4:20-24 "Ba sogokuruza bacu basengeraga kuri uyu musozi, namwe mukagira ngo i Yerusalemu ni ho hakwiriye gusengerwa.” [21]Yesu aramusubiza ati“Mugore, nyizera. Igihe kizaza, ubwo bazaba batagisengera Data kuri uyu musozi cyangwa i Yerusalemu. [22]Dore mwebweho musenga icyo mutazi, ariko twebwe dusenga ibyo tuzi kuko agakiza kava mu Bayuda. [23]Ariko igihe kiraje ndetse kirasohoye, ubwo abasenga by’ukuri basengera Data mu Mwuka no mu kuri, kuko Data ashaka ko bene abo ari bo bamusenga. [24]Imana ni Umwuka, n’abayisenga bakwiriye kuyisengera mu Mwuka no mu kuri.”

Yesu ati "Igihe kiraje, kandi kirasohoye, ubwo abasenga Data by'ukuri batajya kumushakira i Yerusalemu cyangwa kuri uyu musozi..... Imana ni Umwuka, n'abayisenga bagomba kuyisenga mu Mwuka no mu kuri."

Iri jambo Yesu yabwiye Umusamaliyakazi rikubiyemo igisubizo cy'iki kibazo! Ntibikiri ngombwa kujya i Yerusalemu cyangwa i Korazini cyangwa ahandi aho ariho hose gushakayo Imana.

Ibyerekeranye no gusenga mu Mwuka, muri Bibiliya Yera tubisanga ahantu hatatu:

- 1 Abakorinto 14:15 "Nuko noneho ngire nte? Nzajya nsengesha umwuka wanjye ariko kandi nzajya nsengesha n’ubwenge, nzaririmbisha umwuka wanjye ariko kandi nzaririmbisha n’ubwenge."

- Efeso 6:18 "musengeshe Umwuka iteka mu buryo bwose bwo gusenga no kwinginga, kandi ku bw’ibyo mugumye rwose kuba maso, musabire abera bose."

-Yuda 1:20 "Ariko mwebweho bakundwa, mwiyubake ku byo kwizera byera cyane, musengere mu Mwuka Wera,"

==> Gusengera mu Mwuka ntaho bihuriye n'amagambo tuvuga mu gihe dusenga. Ntanubwo gusengera mu Mwuka ari ugusengera mu ndimi gusa, ushobora no gusengera mu rurimi rwawe kandi ugasengera mu Mwuka. Gusengera mu mwuka ni:

- Gusenga uyobowe na Mwuka Wera,

- Gusenga ufashishwe na Mwuka Wera,

- Gusengera mu busabane na Mwuak Wera,

- Kwemera gusenga uko Umwuka Wera atuyoboye gusenga, mu buryo atuyoboyemo, no mu gihe atuyoboyemo.

==> Mu byukuri, Umwuka Wera ni we udusengera na mbere yuko twe dusengera mu Mwuka: Abaroma 8:26 "Uko ni ko n’Umwuka adufasha mu ntege nke zacu kuko tutazi uko dukwiriye gusenga, ariko Umwuka ubwe ni we udusabira aniha iminiho itavugwa,"

- Yesu ni we kuri: Gusenga mu kuri ni ugusenga mu izina rya Yesu.

- Yesu ni we Jambo: Gusenga mu kuri ni ugusengera mu Ijambo ry'Imana, ugahamanya n'Ijambo ry'Imana kandi ugasenga uko Ijambo ry'Imana ribivuga:

Uko ni ko gusenga mu kuri no mu Mwuka, kandi ni byo Imana yifuza ko tuyisenga mu kuri no Mwuka.

Murakoze, Uwuka Wera akomeze atwyoborere.

Ev. Innocent M

Ese ni gute dukwiye gusenga ku bizera umuzuko wa Kristo?

Mon, 04 May 2026 21:04:57 +0000

Ese koko tugomba gusenga dukurikije 1. Ihema ry'ibonaniro kandi umurimo wa Kristo waratwinjije ahera cyane? Bisobanura gusenga ukurikije uko buri gice cyashushanya, urugero;

Kwinjira mu rugo rw'ihema: Kwezwa kw'abizera

Igicaniro cy'umuringa (aho batambaga igitambo): Gushimira Imana igitambo cya Kristo

Igikarabiro cy'umuringa (aho bakarabiraga): Kwihana no kwiyeza

Kwinjira Ahera

Igitekereko cy'amatabaza cyazanaga umucyo: Kwifuza kuyoborwa na Mwuka Wera ari we Mucyo wacu

Ameza y'imitsima: Gusoma no gutekereza ku Ijambo ry'Imana dukurikije icyifuzo cy'umutima

Kwinjira ahera cyane

Icyotero cy'Imibavu: kuramya no guhimbaza Imana ku bw'imbaraga zayo mu bibazo byacu. Amavuta Ijambo ry'Imana atwinjiza mu kuramya Imana kubera icyo Imana yagaragarijwe mu kibazo dusengera; tumuhimbaza kubera imbaraga ze mu gukemura ibibazo.

Isanduku y'isezerano irimo bya bisate by'amabuye: Gushima Imana ku bwo gusohoza kw'amasezerano yayo ku buzima bwacu.

2. Dukwiriye kumenyesha Imana ibyo dukeneye dusaba, twinginga ndetse no dushima nkuko byanditswe muri Abanyafilipi 4:6

Ibi bikanyibutsa kandi Yesu Kristo akiri ku Isi uburyo yakizaga abarwayi cyangwa yerekezaga ku Mana ku byo yabaga akeneye, icyo yakoraga ni ugushima cyangwa ugasanga arategetse. Ibi bikanyibutsa kandi nanone Petero uburyo ki yatangiye gusenga nyuma yo guhinduka icyaremwe gishya muri Kristo Yesu yarategekaga! ibi tubibona mu byakozwe n'intumwa 3:16

3. Gusenga mu ukuri cyangwa mu mwuka (Yohana 4: 21-24)

Bibiliya muri iki gice ntekereza ko ari ho yashyizeho igishushanyo mbonera cy'uko abari muri Kristo Yesu bagomba gusenga. Ariko nanone nkumva ncaka kumenya Ukuri aha bavuga ari ukumeze ute cyangwa dusengera mu Mwuka dute?

Ese Ukuri aha baba bavuga si Kristo kitegererezo cy'umuntu wese ufite Kristo cyangwa ufite Ubumana muri we(Mwuka Wera) cyangwa mu yandi magambo Jambo ry'Imana wabaye umuntu? Ubwo ntibyaba bisobanura ko tugomba kurebera kuri Kristo uburyo ki yasengaga. Ariko kubera Ijambo ry'Imana rigaragaraza uburyo bwinshi bwo gusenga (Isezerano rya Kera n'irishya) ibyo bikantera rero kumva ko gukurikiza kureberera uyu Jambo wahoranye n'Imana kandi wambaye umubiri akaza no mu isi kugira ngo asubize umuntu cya kindi yatakaje (Ubusabane bw'Imana n'umuntu) ndetse n'ibindi byinshi twatakaje nyuma yuko umuntu akoze icyaha. Ikirenze kuri ibyo akatwereka nuko umuntu agomba kubaho ku isi.

Gusenga mu mwuka ho nkumva ko ari kwakundi tuyoborwa n'umwuka w'Imana mu gusenga. Urugero niba uri gusenga Imana(Mwuka Wera) ikakuyobora kwihana cyangwa kureka icyo kintu ukabikora utyo cyangwa niba ugiye gusenga Imana ikagushyira nk'icyifuzo mu mutima ukagisengera gutyo gutyo. Cyangwa se ikindi gihe ukisengera ushima Imana iyo ari yo.

Ariko bitameze nk'amahema agenga isengesho uko rigomba kuba riteye tuvuge Gushima Imana, kwihana(kwiyeza), Gusaba ugasoza nanone ushima gutyo gutyo.

Nkumva ko ari bwo hazaba n'ubusabane nyakuri bw'umwana n'umubyeyi kuko nkuko umwana iyo ashaka ikintu atabanza kuza kuri Se amuryoshya amuryoshya abanza kumushimira kandi mu by'ukuri mu mutima we ababaye.

Murakoze.

Answered: Isengesho ni iki?

Thu, 10 Aug 2017 09:44:03 +0000

Isengesho ni iki? Igisubizo cyihuse kuri iki kibazo ni: Isengesho ni ukuvugana n'Imana. Isengesho ritandukanye no gutekereza cyane (Meditating). Ni ikiganiro kiba hagati y'umuntu n'Imana yamuremye. Isengesho ni yo nzira ya mbere Abizera bahawe yo kumenyesha Imana amarangamutima yabo no kubaho mu busabane bweruye hagati yabo n'Imana.

Isengesho rishobora kumvikana kimwe n'uko rishobora gukorwa bucece. Rishobora gukorwa hagati y'umuntu umwe n'Imaba, cyangwa hagati y'abantu benshi (group) icyarimwe n'Imana. Isengesho ryiza hari ibintu 3 by'ingenzi rigomba kuba ryujuje:

1. Buri sengesho ryose ritegerezwa gukorwa mu kwizera. (Yakobo 1:6 Ariko rero, asabe yizeye ari ntacyo ashidikanya, kuko ushidikanya ameze nk'umuraba wo mu nyanja, ujyanwa n'umuyaga ushushubikanwa. Umeze atyo, ye kwibwira ko azagira icyo ahabwa n'Umwami Imana).

2. Buri sengesho ryose rigomba gukorwa mu izina rya Yesu (Yohana 16:23 ..... Ni ukuri ni ukuri, ndababwira ukuri yuko icyo muzasaba Data cyose mu izina ryanjye azakibaha.)

3. Ukubaho k'Umwuka Wera n'imbaraga ze (Abaroma 8:26 Uko ni ko n'Umwuka Wera adufasha mu ntege nke zacu kuko tutazi uko dukwiriye gusenga, ariko Umwuka ubwe ni we udusabira aniha iminiho itavugwa.)

4. Gusengera mu bushake bw'Imana (1 Yohana 5:14 "Kandi iki ni cyo kidutera gutinyuka imbere ye: ni uko atwumva iyo dusabye ikintu nk'uko ashaka"

5. Gusengera mu ijambo ry'Imana (Ntukirirwe wirushya usengera ikintu Imana yarangije kubuza mu ijambo ryayo)

Tugendeye kuri ibyo bisobanuro byo hejuru, umuntu yatanga incamake y'igisobanuro cy'isengesho: Ni ubusabane mu kuvugana n'Imana nka Data, bukozwe mu izina rya Yesu nk'Umwana, tubifashijwemo n'umufasha twahawe ari we Mwuka Wera.

Bibiriya ishishikariza abera gusenga kuko Imana izi neza ko bidufitiye umumaro. "1 Abatesaloniki 5:17 Musenge ubudasiba." Abafilipi 4:6 "Ntimukagire icyo mwiganyira, ahubwo ibyo mushaka byose bimenywe n'Imana mubisabiye, mubyingingiye, mushima". Ni byo, Imana yifuza ko tuganira na yo kuri buri cyose: Si ibigoye gusa, si ugusenga kuko uguwe nabi gusa, si no gusenga kuko wishimye gusa, ni buri gihe, kuri buri kintu cyose. Umunsi wose twakagombye kuguma mu busabane n'Imana. Bamwe baribaza bati "Ese ibyo birashoboka?" Yego birashoboka, kuko ni ngombwa gutandukanya "gusenga" no "kuba mu mwuka w'ubusabane".

Isengesho, ni yo nzira Umwizera aganiriramo n'Imana. Gusenga si igusaba gusa, dusenga kugirango tunaramye Imana, tuyihimbaze, tuyibwire uburyo tuyikunda. Dusenga kugirango twishimire mu kubaho kwayo kandi tuyimenyeshe iby'ubuzima bwacu. Dusenga kugirango tuyigishe inama kandi tuyisabe ubwenge. Imana inezezwa cyane n'ubu busabane hamwe n'abana bayo, kimwe n'uko natwe tunezezwa no gusabana n'abana bacu.

igihe dusenga, tumenyesha Imana ibyo twifuza kubona biba mu buzima bwacu. Gusa, usenga wese agomba kwibuka iri jambo: "Ntibibe uko njyewe nshaka, ahubwo uko wowe ushaka". Kirazira rwose gusenga dusunitswee n'irari ryacu: Aho ntituzasubizwa. (Yakobo 4:3 "Murasabwa ntimuhabwe kuko musaba nabi mushaka kubyayisha irari ryanyu ribi")

Dusoza, twababwira ko Bibiriya irimo ingero nyinshi z'amasengesho akwiriye. Inzu y'Imana ni inzu yo gusengeramo (Mariko 11:7) kandi abana b'Imana bagomba kuba abantu basenga.

Imana ibahe umugisha

Ese Imana yumva gusenga kwanjye?

Tue, 08 Nov 2016 15:54:15 +0000

Kuki ari byiza gusengera abandi?

Tue, 08 Nov 2016 15:53:19 +0000

Ese hari ibisabwa kugirango isengesho risubizwe?

Tue, 08 Nov 2016 15:52:20 +0000

Ese hari ibisabwa kugirango isengesho risubizwe?

Tue, 08 Nov 2016 15:52:06 +0000

Ni kuki/gute tugomba gusengera abayobozi bacu?

Tue, 08 Nov 2016 15:50:49 +0000

Ese koko Imana isubiza amasengesho?

Tue, 08 Nov 2016 15:49:57 +0000

Ese Bibiriya itubuza gusenga abamarayika?

Tue, 08 Nov 2016 15:48:05 +0000

"Kwinginga" ni iki?

Tue, 08 Nov 2016 15:46:53 +0000

Gusengera mu mutima: Bibiriya ibivugaho iki?

Tue, 08 Nov 2016 15:45:40 +0000

"Gusengera mu ndimi" ni iki?

Tue, 08 Nov 2016 15:44:40 +0000

Gusenga no kwiyiriza bihurira he?

Tue, 08 Nov 2016 15:43:26 +0000

Gusenga no kwiyiriza bihurira he?

Tue, 08 Nov 2016 15:43:21 +0000

Kuki tugomba gusenga mbere yo kurya?

Tue, 08 Nov 2016 15:42:32 +0000

Kuki tugomba gusenga mbere yo kurya?

Tue, 08 Nov 2016 15:42:31 +0000

Ese nta kibazo gusengera ikintu kimwe inshuro nyinshi?

Tue, 08 Nov 2016 15:41:34 +0000

Ese dusenga nde? Imana, Yesu, Umwuka Wera?

Tue, 08 Nov 2016 15:40:38 +0000

"Gusenga mu Mwuka" ni gute?

Tue, 08 Nov 2016 15:37:06 +0000

Ese Imana yumva gusenga kw'abatari Abakristo?

Tue, 08 Nov 2016 15:35:54 +0000

Bivuze iki "Gusenga ubudasiba"?

Tue, 08 Nov 2016 15:34:37 +0000

Gusenga mu izina rya Yesu ni gute?

Tue, 08 Nov 2016 15:33:24 +0000

Ese isengesho rya rusange rigira imbaraga kurusha iry njyenyine?

Tue, 08 Nov 2016 15:31:51 +0000

Ni gute nasenga isengesho risubizwa n'Imana?

Tue, 08 Nov 2016 15:30:16 +0000

"Isengesho ry'umunyabyaha" ni iki?

Tue, 08 Nov 2016 15:29:09 +0000

Namenya nte ko ndimo gusenga nk'uko Imana ibishaka?

Mon, 07 Nov 2016 21:45:42 +0000